ନୂଆଦିଲ୍ଲୀ: ଲଣ୍ଡନ ରାସ୍ତାରେ ନୀରବ ମୋଦି । ସୁଟ , ବୁଟ ପିନ୍ଧି ବିନା ଟେନସେନରେ ଖୁଲମଖୁଲା ବୁଲୁଛନ୍ତି ନୀରବ । ପଞ୍ଜାବ ନ୍ୟାସନାଲ ବ୍ୟାଙ୍କରୁ 14 ହଜାର କୋଟି ଟଙ୍କା ହଡପ କରି ନୀରବ ଲଣ୍ଡନରେ ନିଜ ଆଡ୍ଡା ଜମାଇ ବସିଛନ୍ତି । ଏକ ଇଂରାଜୀ ଗଣମାଧ୍ୟମର ଏ ନେଇ ଖବର ପ୍ରକାଶିତ ହେବା ସହ ନୀରବଙ୍କ ସଦ୍ୟ ଭିଡିଓ ଜାରି କରାଯାଇଛି ।
ନୀରବ ମୋଦିଙ୍କୁ ଦେଖିବା ପରେ ଉକ୍ତ ଗଣାମାଧ୍ୟମର ସାମ୍ବାଦିକ ଜଣଙ୍କ ତାଙ୍କୁ ବହୁ ପ୍ରଶ୍ନ ପଚାରିଥିଲେ । ହେଲେ ‘ନୋ-କମେଣ୍ଟ’ କରି ସବୁ ପ୍ରଶ୍ନକୁ ଟାଳି ଦେଇଚାଲିଥିଲେ ନୀରବ । ଏହି ଭିଡିଓଟି ଜାରି ହେବା ପରେ ଚାରିଆଡେ ଚାଞ୍ଚଲ୍ୟ ଖେଳିଯାଇଛି ।
ବିଦେଶ ମନ୍ତ୍ରାଣଳୟ ଏ ସମ୍ବନ୍ଧରେ ପ୍ରତିକ୍ରିୟା ଦେଇ କହିଛନ୍ତି ଯେ, ବ୍ରିଟେନରୁ ଶୀଘ୍ର ନୀରବଙ୍କ ପ୍ରତ୍ୟାପଣ ପାଇଁ ଦାବି କରାଯାଇଛି । ଏଥିସହ ମନ୍ତ୍ରାଣଳୟ ପକ୍ଷରୁ ସମସ୍ତ ଆବଶ୍ୟକୀୟ ପଦକ୍ଷେପ ଗ୍ରହଣ କରାଯିବ ବୋଲି ବିଦେଶ ମନ୍ତ୍ରାଣଳୟ ପ୍ରବକ୍ତା ରବୀଶ କୁମାର ଜଣାଇଛନ୍ତି ।
ବ୍ରିଟିସରେ ମଧ୍ୟ ନୀରବ ମୋଦି ନିଜର ଏକ ବିଜନେସ ଆରମ୍ଭ କରିଦେଇଛନ୍ତି । ଲଣ୍ଡନର ସୋହାପେ ନୀଆ ହୀରା ବ୍ୟବସାୟ କରୁଛନ୍ତି । ତେବେ ଏ ନେଇ ଯେତେବେଳେ ତାଙ୍କୁ ପଚରାଯାଇଥିଲା କି, ‘ଆପଣ ରାଜନୈତିକ ଶରଣ ନେବା ପାଇଁ ଏଠାରେ ଆବେଦନ କରିଥିଲେ କି, ସେ ନୋ କମେଣ୍ଟ କହି ଚୁପ ରହିଯାଇଥିଲେ ।
ନୀରବ ମୋଦି ପିନ୍ଧିଥିବା ଜ୍ୟାକେଟର ଦାମ 9 ଲକ୍ଷ୍ୟ ଟଙ୍କା ହୋଇଥିବା ଜଣାପଡିଛି ।
