ନୂଆଦିଲ୍ଲୀ: କୋଭିଡ-19 ସଙ୍କଟରେ ଯାତ୍ରୀଙ୍କ ସୁରକ୍ଷିତ ଯାତ୍ରାକୁ ଦୃଷ୍ଟିରେ ରଖି ଇଣ୍ଡିଗୋ ଆରମ୍ଭ କରିଛି ନୂଆ ଯୋଜନା । ଏହା ମାଧ୍ୟମରେ ଯେଉଁ ଯାତ୍ରୀ ଅତିରିକ୍ତ ସୁରକ୍ଷା ସୁନିଶ୍ଚିତ କରିବାକୁ ଚାହାନ୍ତି, ସେ 2ଟି ସିଟ ବୁକ କରିପାରିବେ ।
ବିମାନ କମ୍ପାନୀ ଏକ ବିବୃତ୍ତିର କହିଛି କି, ‘‘ ଅତିରିକ୍ତ ସିଟ ପାଇଁ ଭଡା ମୂଳ ବୁକିଂ ଖର୍ଚ୍ଚର 25 ପ୍ରତିଶତ ପର୍ଯ୍ୟନ୍ତ ହେବ । ଏହି ନୂଆ ଯୋଜନା 2020 ଜୁଲାଇ 24 ରୁ ଲାଗୁ ହେବ ।
ଇଣ୍ଡିଗୋ କହିଛି କି, ‘‘6ଇ ଡବଲ ସିଟ ଯୋଜନା’’, ଯାତ୍ରା ପୋର୍ଟାଲ, ଇଣ୍ଡିଗୋ କଲ ସେଣ୍ଟର କିମ୍ବା ବିମାନ ବନ୍ଦର କାଉଣ୍ଟର ଜରିଆରେ ଉପଲବ୍ଧ ହେବ ନାହିଁ । ଏହି ଯୋଜନାର ଲାଭ କେବଳ ଇଣ୍ଡିଗୋ ୱେବସାଇଟରୁ ନିଆଯାଇପାରିବ ।
ପ୍ରକାଶ ଯେ, ଜୁନ 20 ରୁ 28 ମଧ୍ୟରେ 25,000 ଯାତ୍ରୀଙ୍କ ମଧ୍ୟରେ ଏକ ଅନଲାଇନ ସର୍ଭେକ୍ଷଣ କରିଥିଲା ଇଣ୍ଡିଗୋ । ଯେଉଁଥିରେ ଯାତ୍ରୀମାନେ ଶାରିରୀତ ଦୂରତା କମ ରହିଥିବା ନେଇ ଚିନ୍ତା ଦର୍ଶାଇଥିଲେ । ସର୍ଭେରେ 62 ପ୍ରତିଶତ ଲୋକ ଶାରିରୀକ ଦୂରତା କମ ନେଇ ଅଭିଯୋଗ କରିଥିଲେ ।
ଏଥିପାଇଁ ବିମାନ କମ୍ପାନୀ ଏଭଳି ଯୋଜନା ଆରମ୍ଭ କରିବାକୁ ନିଷ୍ପତ୍ତି ନେଇଛି ବୋଲି ଇଣ୍ଡିଗୋର ମୁଖ୍ୟ ରଣନୀତି ଓ ଆୟ ଅଧିକାରୀ ସଞ୍ଜୟ କୁମାର ଶୁକ୍ରବାର କହିଛନ୍ତି ।
