ନୂଆଦିଲ୍ଲୀ: ଇତିହାସ ରଚିଲା ଭାରତୀୟ ରେଳ । ଜାଣି ଆଶ୍ଚର୍ଯ୍ୟ ହେବେ ଚଳିତ ବର୍ଷ ଜଣେବି ଯାତ୍ରୀଙ୍କ ମୃତ୍ୟୁ ହୋଇନଥିବା ରେକର୍ଡ ରହିଛି । ଯାହାକି 166 ବର୍ଷରେ ପ୍ରଥମ । ରେଳମନ୍ତ୍ରୀ ପୀୟୁଷ ଗୋଏଲ ଏ ନେଇ ଟ୍ବିଟ କରି ସୂଚନା ଦେଇଛନ୍ତି ।
ଲଗାତାର ଭାରତୀୟ ରେଳୱେ ନିଜ ସେବାକୁ ସୁବ୍ୟବସ୍ଥିତ କରିବା ପାଇଁ ବହୁତ ପଦକ୍ଷେପ ନେଇଛି । ମୋଦି ସରକାରଙ୍କ କାର୍ଯ୍ୟାଳୟରେ ଭାରତୀୟ ରେଳର ଆଧୁନିକରଣ ଉପରେ ଅଧିକ ଗୁରୁତ୍ବ ଦେଉଛନ୍ତି । ରେଳଗାଡିକୁ ପବନର ଗତି ଦେବା ପାଇଁ ବନ୍ଦେ ମାତାରମ ଏକ୍ସପ୍ରେସ, ହମସଫର ଏକ୍ସପ୍ରେସ ଭଳି ଚକମକ ଗାଡି ଲାଇନରେ ଦୌଡୁଛି । ସେପଟେ ବିଭିନ୍ନ କାର୍ଯ୍ୟାନୁଷ୍ଠାନ ଯୋଗୁଁ ଦୁର୍ଘଟଣା ବି କମୁଛି ।
ରେଳ ଯାତ୍ରୀଙ୍କ ପାଇଁ 2019-20 ଆର୍ଥିକ ବର୍ଷ ସବୁଠୁ ସୁରକ୍ଷିତ ରହିଛି । ଏବେ ସୁଦ୍ଧା ଜଣଙ୍କର ମଧ୍ୟ ମୃତ୍ୟୁ ହୋଇନାହିଁ ।
