ନୂଆଦିଲ୍ଲୀ: ଦେଶରେ ଏବେ ପ୍ରାୟ ସମସ୍ତେ ଶୀଘ୍ର ଚାକିରୀ ପରିବର୍ତ୍ତନ କରୁଛନ୍ତି । ଯେଉଁଥିପାଇଁ ସେମାନେ କମ୍ପାନୀରେ ଗ୍ରାଚୁଇଚିର ହକଦାର ହୋଇପାରୁନାହାନ୍ତି । ଏହାକୁ ଦୃଷ୍ଟିରେ ରଖି ସରକାର କର୍ମଚାରୀଙ୍କ ପାଇଁ ଗ୍ରାଚୁଇଟି ନିୟମକୁ ବଦଳାଇବା ପାଇଁ ଯୋଜନା କରୁଛନ୍ତି ।
ନୂଆ ନିୟମ ଅନୁସାରେ ଗ୍ରାଚୁଇଟି ପାଇଁ 5 ବର୍ଷର ବାଧ୍ୟତାମୂଳକ ସମସୟସୀମାକୁ ଶେଷ କରାଯାଇପାରେ । ଏହା ବଦଳରେ ଏହି ସମସୟୀମାକୁ 1 ରୁ 3 ରୁ 3 ବର୍ଷ ମଧ୍ୟରେ ରଖିବାକୁ ବିଚାର ହେଉଛି । ଶ୍ରମ ମାମଲାର ସଂସଦୀୟ କମିଟି ଏ ନେଇ ଏକ ରିପୋର୍ଟ ଦେଇଛି । ଏହା ଅନୁସାରେ ଗ୍ରାଚୁଇଟି ପାଇବାକୁ ବର୍ତ୍ତମାନ 5 ବର୍ଷ କାମ କରିବାକୁ ପଡୁଥିବା ବେଳେ ଏହାକୁ 1 ବର୍ଷ କରିବାକୁ କୁହାଯାଇଛି ।
ଗ୍ରାଚୁଇଟି ପେମେଣ୍ଟ କମ୍ପାନୀ କରିଥାଏ । ରୋଜଗାର ଅବଧି ସମୟରେ କର୍ମଚାରୀ ଯେଉଁ ସେବା ଦେଇଥାଏ , ତା ବଦଳରେ ଏହି ଗ୍ରାଚୁଇଟି ମିଳିଥାଏ । ଜଣେ କର୍ମଚାରୀ କମ୍ପାନୀରେ କାମ କରିଥିବା ବର୍ଷ ଆଧାରରେ ପ୍ରତିବର୍ଷ 15 ଦିନର ଦରମା ଆଧାରରେ ଗ୍ରାଚୁଇଟି ଦିଆଯାଏ । ତେବେ କମ୍ପାନୀରେ 5 ବର୍ଷ ପୂରଣ ହେବା ପରେ ହିଁ ଜଣେ କର୍ମଚାରୀ ଗ୍ରାଚୁଇଟି ପାଇବାକୁ ଯୋଗ୍ୟ ବିବେଚିତ ହୋଇଥାନ୍ତି ।
କିନ୍ତୁ ବର୍ତ୍ତମାନ ସମୟରେ ଅଧିକ ଇନକ୍ରିମେଣ୍ଟ ବା ଅଭିବୃଦ୍ଧି ଆଶାରେ କର୍ମଚାରୀ କମ୍ପାନୀ ବଦଳାଇବାକୁ ପସନ୍ଦ କରୁଛନ୍ତି । ଫଳରେ ସେମାନଙ୍କ ଏହି ଗ୍ରାଚୁଇଟି ଟଙ୍କା ମିଳୁନାହିଁ ।
