ନୂଆଦିଲ୍ଲୀ: ସୋମବାର ସଂସଦରେ ଆରମ୍ଭ ହୋଇଛି ଶୀତକାଳୀନ ଅଧିବେଶନ । ଏହା ଡିସେମ୍ବର 13 ପର୍ଯ୍ୟନ୍ତ ଚାଲିବ । ଏହି ଅଧିବେଶନରେ ସରକାର 27ଟି ବିଲକୁ ପାରିତ କରିବା ଲକ୍ଷ୍ୟ ରଖିଛନ୍ତି । ଏପଟେ ବିଭିନ୍ନ ପ୍ରସଙ୍ଗକୁ ନେଇ ବିରୋଧୀ ଅସ୍ତ୍ର ପ୍ରସ୍ତୁତ କରି ରଖିଛନ୍ତି । ତେବେ ଏହି ଅଧିବେଶନରେ ଅର୍ଥଜଗତକୁ ନେଇ ମଧ୍ୟ ବହୁ ବିଲ ଆଗତ କରାଯିବ।
ରାଜ୍ୟସଭା ଓ ଲୋକସଭାର ବ୍ୟାପର ସୂଚୀ ଅନୁଯାୟୀ ମହତ୍ବପୂର୍ଣ୍ଣ ଔଦ୍ୟୋଗିକ ସମ୍ବନ୍ଧ ସହ ଜଡିତ ପାଖାପାଖୀ 35 ବିଧେୟକ ଆଗତ କରାଯିବ । ଯେଉଁଥିରେ ସରକାରୀ କର୍ପୋରେଟ ଟିକସ କମ କରିବା, ଇ-ସିଗାରେଟ ନିଷେଧ ଆଦିକୁ ଆଗତ ହେବ ।
ଏହା ବ୍ୟତିତ 2 ଗୁରୁତ୍ବପୂର୍ଣ୍ଣ ଅଧ୍ୟାଦେଶକୁ ଆଇନରେ ପରିଣତ କରିବା ପାଇଁ ସରକାର ଯୋଜନା କରୁଛନ୍ତି । ଏଥିରେ ଆୟକର ଅଧିନିୟମ, 1961 ଓ ଅର୍ଥ ଅଧିନିୟମ, 2019ରେ ସଂଶୋଧନକୁ ପ୍ରଭାବୀ କରିବା ପାଇଁ ସେପ୍ଟେମ୍ବରରେ ଏକ ଅଧ୍ୟାଦେଶ ଜାରି ହୋଇଥିଲା । ଯାହାର ଉଦ୍ଦେଶ୍ୟ ଘରୋଇ ବିନିର୍ମାଣ କମ୍ପାନୀଙ୍କ ପାଇଁ କର୍ପୋରେଟ କର କମ କରି ଆର୍ଥିକ ମାନ୍ଦାବସ୍ଥାକୁ ରୋକିବା ସହ ଅଭିବୃଦ୍ଧି ବଢାଇବା ଥିଲା ।
ଏହି ସବୁ ପ୍ରମୁଖ ବିଧେୟକ ମଧ୍ୟ ଅଧିବେଶନରେ ଆଗତ ଓ ପାରିତ ହେବ
ବିଚାର ଓ ପାରିତ ହେବାକୁ ଥିବା ସୂଚୀବଦ୍ଧ ବିଲ
-ଚିଟ ଫଣ୍ଡସ (ସଂଶୋଧନ) ବିଧେୟକ 2019
ପରିଚୟ, ବିଚାର ଓ ପାରିତ ହେବାକୁ ଥିବା ସୂଚୀବଦ୍ଧ ବିଲ
- ଇ-ସିଗାରେଟ ପ୍ରତିବନ୍ଧ ଅଧ୍ୟାଦେଶ ବିଧେୟକ 2019
- କର ସଂଶୋଧନ ଆଇନ ବିଧେୟକ 2019
- ମଲ୍ଟି ଷ୍ଟେଟ କୋପରେଟିବ ସୋସାଇଟ (ସଂଶୋଧନ) ବିଧେୟୟକ
- କମ୍ପାନୀ (ଦ୍ବିତୀୟ ସଂଶୋଧନ)ବିଧେୟକ 2019
- ପ୍ରତିଯୋଗୀତା (ସଂଶୋଧନ) ବିଧେୟକ 2019
- ଇନସଲଭେନ୍ସି ଆଣ୍ଡ ବ୍ୟାଙ୍କରପ୍ସି କୋଡ୍(ଆଇବିସି)ରେ ବିଧେୟକ 2019
- ଅନ୍ତରାଷ୍ଟ୍ରୀୟ ଆର୍ଥିକ ସେବା କେନ୍ଦ୍ର ପ୍ରାଧିକରଣ ବିଧେୟକ 2019
- ଉଦୌଗିକ ସମ୍ବନ୍ଧ ସଂହିତା ବିଧେୟତ 2019
- ସୁକ୍ଷ୍ମ, ଲଘୁ ଓ ମଧ୍ୟମ ଉଦ୍ୟୋଗ ବିକାଶ(ସଂଶୋଧନ) ବିଧେୟକ 2019
- ଅନ୍ତରାଷ୍ଟ୍ରୀୟ ଆର୍ଥିକ ସେହା କେନ୍ଦ୍ର ପ୍ରାଧିକରଣ ବିଧେୟକ, 2019
