ବିଜନେସ ଡେସ୍କ, ଇଟିଭି ଭାରତ: ନୂଆ ଅବତାରରେ ଭାରତର ପ୍ରମୁଖ ଟେଲିକମ ସେବା ପ୍ରଦାନକାରୀ ଭୋଡାଫୋନ ଆଇଡିଆ । ଏବେ କମ୍ପାନୀ "Vi" ନାଁରେ ଜଣାଯିବ । 2018 ଅଗଷ୍ଟରେ ମିଶ୍ରଣ ହୋଇଥିବା ଏହି 2 ବ୍ରାଣ୍ଡର ରିବ୍ରାଣ୍ଡିଙ୍ଗ କରିଛି କମ୍ପାନୀ । ସୋମବାର ଭୋଡା ଆଇଡିଆ ବିଲୟକୁ ସମ୍ପୂର୍ଣ୍ଣ କରିବା ପାଇଁ କମ୍ପାନୀ ଏହାକୁ "Vi" ନାଁରେ ଲଞ୍ଚ କରିଛି ।
ଏକ ନୂଆ ନାଁ ସହ ଭୋଡାଫୋନ ଆଇଡିଆ ଏକ ନୂଆ ଲୋଗୋ ମଧ୍ୟ ଲଞ୍ଚ କରିଛି । ଯାହାକି ଦେଶର ଟେଲିକମ କମ୍ପାନୀଙ୍କ ପାଇଁ ଏକ ନୂଆ ବ୍ରାଣ୍ଡ ପରିଚିତ କରିବାରେ ସାହାଯ୍ୟ କରିବ ।
ଭୋଡାଫୋନ ଆଇଡିଆ ଲିମିଟେଡର ପରିଚାଳନା ନିର୍ଦ୍ଦେଶକ ତଥା ସିଇଓ ରବିନ୍ଦ୍ର.. କହିଛନ୍ତି କି, ‘’ ଆଜି ମୁଁ ଏଭଳି ଏକ ବ୍ରାଣ୍ଡ ଉପସ୍ଥାପନ କରୁଛି , ଯାହା ଆମର ଗ୍ରାହକଙ୍କ ଜୀବନରେ ବହୁତ ମହତ୍ବପୂର୍ଣ୍ଣ ଭୂମିକା ତୁଲାଇବ । ଭୋଡାଫୋନ ଓ ଆଇଡିଆର ମିଶ୍ରଣ 2 ବର୍ଷ ତଳେ ହୋଇଥିଲା । ସେତେବେଳେ ଦେଶରେ 2 ବଡ ନେଟୱର୍କ ଥିଲା । ’’
ଟେଲିକମ ରେଗୁଲେଟୋରୀ ଅଥରିଟି ଅଫ ଇଣ୍ଡିଆ (TRAI) ର ତଥ୍ୟ ଅନୁଯାୟୀ, 2020 ମେ ମାସ ଶେଷରେ ଭାରତରେ ଭୋଡାଫୋନ ଆଇଡିଆର ମୋଟ ୱାଇରଲେସ ଗ୍ରାହକ ବେସ 30.9 କୋଟି ଥିଲା। ଯଦି ଆପଣ ଏହି ଗ୍ରାହକଙ୍କ ମଧ୍ୟରୁ ଜଣେ ଏବଂ ରିବ୍ରାଣ୍ଡିଙ୍ଗ କିପରି ଆପଣଙ୍କର ବର୍ତ୍ତମାନ ମୋବାଇଲ ସଂଯୋଗକୁ ପ୍ରଭାବିତ କରିବ ସେ ନେଇ ଦ୍ୱନ୍ଦ୍ୱରେ ଅଛନ୍ତି, ତେବେ ଆପଣଙ୍କର କିଛି ପ୍ରଶ୍ନର ଉତ୍ତର ପାଇବାକୁ ପଢନ୍ତୁ ...
କଣ ଆପଣଙ୍କ ମୋବାଇଲ ନମ୍ବର ବଦଳିବ ?
କମ୍ପାନୀ କହିଛି ଯେ ଗ୍ରାହକମାନେ ସେମାନଙ୍କର କରେଣ୍ଟ ବା ବର୍ତ୍ତମାନ ନମ୍ବରର ବ୍ୟବହାର ଜାରି ରଖିପାରିବେ । ଏଥିସହ ବାହ୍ୟ ଶୁଳ୍କ ଯୋଜନା ଏବଂ ସେବା ପୂର୍ବ ପରି ଜାରି ରହିବ ।
କଣ ଆପଣଙ୍କୁ ନୂଆ ସିମ ନେବା ଆବଶ୍ୟକ ରହିଛି ?
ଆପଣଙ୍କ ବର୍ତ୍ତମାନ ସିମ କାମ କରିବା ଜାରି ରହିବ । ହେଲେ ଯଦି ଆପଣ ଏହାକୁ ବଦଳାଇବାକୁ ଚାହାଁନ୍ତି, ଯାହାକି ବୈକଳ୍ପିକ, ତେବେ ନୂଆ ସିମ ଏକ ନୂଆ ଡିଜାଇନ ଓ ନୂଆ ଲୋଗୋ ସହ ମିଳିବ ।
କଣ ଆପଣଙ୍କ କୌଣସି ବର୍ତ୍ତମାନର ସେବା ପ୍ରଭାବିତ ହେବ ?
