ନୂଆଦିଲ୍ଲୀ: ଘରୋଇ ବିମାନ ସେବା କମ୍ପାନୀ ଭିସ୍ତାରା ଖୁବଶୀଘ୍ର ଭାରତରୁ 3 ୟୁରୋପୀୟ ଦେଶ (ଇଂଲଣ୍ଡ, ଜର୍ମାନୀ ଓ ଫ୍ରାନ୍ସ)କୁ ବିମାନ ଚଳାଚଳ କରିବ । ଦ୍ବିପାକ୍ଷିକ ଏୟାର ବବଲ ବ୍ୟବସ୍ଥା ଅଧିନରେ ବିମାନ ଚଳାଇବାକୁ କମ୍ପାନୀ ଏସବୁ ରାଷ୍ଟ୍ର ସହ ଚୁକ୍ତି କରିଛି । ଏନେଇ ଏୟାରଲାଇନ ପକ୍ଷରୁ ସୂଚନା ଦିଆଯାଇଛି ।
ଚଳିତ ବର୍ଷ ଆରମ୍ଭରେ ଭାରତ ଓ ଇଂଲଣ୍ଡ ଏକ ଦ୍ବିପାକ୍ଷିକ ବିମାନ ଚଳାଚଳ ଚୁକ୍ତି ସ୍ବାକ୍ଷର କରିଥିଲେ । ଏହା ଅଧିନରେ ଉଭୟ ରାଷ୍ଟ୍ରର ବିମାନ ଚଳାଚଳ କମ୍ପାନୀ ଆନ୍ତର୍ଜାତିକ ବିମାନ ଉଡାଣ କରିପାରିବେ । ଏପରି ଭାବେ ଜୁଲାଇ ମାସରେ ଭାରତ ଜର୍ମାନୀ ଓ ଫ୍ରାନ୍ସ ସହ ମଧ୍ୟ ସମାନ ପ୍ରକାର ଚୁକ୍ତି କରିଛି ।
ଲଣ୍ଡର ହିଥରୋ ବିମାନବନ୍ଦରରେ ଲ୍ୟାଣ୍ଡ ହେବ ଭିସ୍ତାରା । ଏଥିପାଇଁ କମ୍ପାନୀକୁ ସ୍ଲଟ ମିଳିସାରିଛି । ଆଗାମୀ କିଛି ଦିନ ମଧ୍ୟରେ ଦିଲ୍ଲୀରୁ ଲଣ୍ଡନ ମଧ୍ୟରେ ବିମାନ ଚଳାଚଳ ନେଇ ଘୋଷଣା ହେବ ।
ସୁତ୍ରରୁ ଜଣାପଡିଛି କି ଦିଲ୍ଲୀ-ଲଣ୍ଡନ ଉଡାଣ ପରିଚାଳନା ସପ୍ତାହରେ 3 ଦିନ ହେବ । ବଡ ଆକାର ବିମାନରେ ବଡ ଇନ୍ଧନ ଟ୍ୟାଙ୍କ ରହିଥାଏ । ଯାହାକି ଲମ୍ବା ସମୟର ଯାତ୍ରାକୁ ପରିଚାଳନା କରିପାରିବ ।
ବିମାନ ଉଦ୍ୟୋଗର ଆଉ ଏକ ସୂତ୍ର କହିଛି କି, ଭିସ୍ତାରା ଭାରତରୁ ଜର୍ମାନୀ , ଭାରତରୁ ଫ୍ରାନ୍ସ ପାଇଁ ମଧ୍ୟ ଉଡାଣ ସେବା ଆରମ୍ଭ କରିବ । ଆଉ ଏହି ବିମାନର ଗନ୍ତବ୍ୟସ୍ଥଳ ଫ୍ରାଙ୍କଫୁଟ ଓ ପ୍ୟାରିସରୁ ଚାଲିବ ।
