ନୂଆଦିଲ୍ଲୀ: 125 ଦେଶରେ ଅତ୍ୟାବଶ୍ୟକ ସାମଗ୍ରୀର ହୋମ ଡେଲିଭରି ଆରମ୍ଭ କରିଛି ସ୍ବିଗି । ଲକଡାଉନ ମଧ୍ୟରେ ଲୋକେ ଯେଭଳି ସୁବିଧା ଜିନିଷ ପାଇପାରିବେ ସେଥିପାଇଁ କମ୍ପାନୀ ତାର ସେବାକୁ ସମ୍ପ୍ରସାରିତ କରୁଛି ।
ଏହା ବ୍ୟତିତ କମ୍ପାନୀ ବହୁ ରାଷ୍ଟ୍ରୀୟ ବ୍ରାଣ୍ଡ ଓ ଖୁଚୁରା କମ୍ପାନୀଙ୍କ ସହ ହାତ ମିଳାଇଛି ବୋଲି ସୋମବାର ସୂଚନା ଦିଆଯାଇଛି । କମ୍ପାନୀ ଏକ ବିବୃତ୍ତିରେ କହିଛି ଯେ, ଜରୁରୀ ସାମଗ୍ରୀ ଯୋଗାଣ ପାଇଁ ହିନ୍ଦୁସ୍ତାନ ୟୁନିଲିଭର, ପ୍ରକ୍ଟର ଆଣ୍ଡ ଗେମ୍ବଲ, ଗୋଦରେଜ, ଡାବର, ମାରିକୋ, ବିଶାଲ ମେଗା ମାର୍ଟ, ସିପ୍ଲା ଭଳି ବ୍ରାଣ୍ଡ ସହ ସହଭାଗୀ ହୋଇଛି । ଏହିସହ ଏହା ଅନେକ ସହରରେ ବିଶେଷ ଷ୍ଟୋର ସହିତ ମଧ୍ୟ ଗଠବନ୍ଧନ କରିଛି । ଯାହା ଫଳରେ ଗ୍ରାହକଙ୍କ ଘରେ ଅତ୍ୟାବଶ୍ୟକ ସାମଗ୍ରୀ ଯୋଗାଯାଇପାରିବ ।
ସ୍ବିଗିର ମୁଖ୍ୟ କାର୍ଯ୍ୟନିବାହୀ ଅଧିକାରୀ ବିବେକ ସୁନ୍ଦର କହିଛନ୍ତି ଯେ, ‘‘ଗ୍ରୋସରୀ ଏବଂ ଅତ୍ୟାବଶ୍ୟକ ସାମଗ୍ରୀ ଯୋଗାଣ ଆମ ଦୀର୍ଘକାଳୀନ ରଣନୀତିର ଏକ ଅଂଶ ରହିଆସିଛି । ଗ୍ରାହକଙ୍କ ସୁବିଧା ପାଇଁ ଆମେ ଏହାକୁ ଟିକେ ଶୀଘ୍ର କାର୍ଯ୍ୟକାରୀ କରିଛୁ।"
