ନୂଆଦିଲ୍ଲୀ: ଘରୋଇ ସେୟାର ବଜାରରେ ବୃଦ୍ଧି ତଥା ଅଶୋଧିତ ତୈଳ ଦାମ ହ୍ରାସ ଟଙ୍କାକୁ ଦେଇଛି ସମର୍ଥନ । ବିଦେଶୀ ମୁଦ୍ରା ବିନିମୟ ବଜାରରେ ଗୁରୁବାର ଟଙ୍କା କାରବାର ଆରମ୍ଭରେ ହ୍ରାସ ହୋଇଥିଲା ବେଳେ ଶେଷ ସୁଦ୍ଧା ଡଲାର ତୁଳନାରେ ବଳବାନ ରହିଛି । ଡଲାର ତୁଳନାରେ ଟଙ୍କା 12 ପଇସା ମଜବୁତ ହୋଇ 74.93 ରହିଛି ।
ଅନ୍ତରବ୍ୟାଙ୍କ ବିଦେଶୀ ମୁଦ୍ରା ବଜାରେର ଡଲାର ତୁଳନାରେ ଟଙ୍କା ଦୁର୍ବଳ ହୋଇ 75.19 ରେ ଖୋଲିଥିଲା । ପରେ ଟଙ୍କା ସୁଧୁରିଛି । କାରବାର ଶେଷ ସୁଦ୍ଧା ଟଙ୍କା ପୂର୍ବ କାରବାର ବନ୍ଦ (75.33 ଟଙ୍କା) ମୂଲ୍ୟ ତୁଳନାରେ 12 ପଇସା ସୁଦୃଢ ହୋଇ 74.93 ରେ ବନ୍ଦ ହୋଇଛି ।
କାରବାର ସମୟରେ ଟଙ୍କା ଦିନର ସର୍ବୋଚ୍ଚ ସ୍ତର 74.92 ଓ ସର୍ବନିମ୍ନ ସ୍ତର 75.33କୁ ଛୁଇଁଥିଲା ।
ଗୁରୁବାର ବିଶ୍ବ ବଜାରରେ ବ୍ରେଣ୍ଟ କ୍ରୁଡ ଅଶୋଧିତ ତୈଳ ବ୍ୟାରେଲ ପ୍ରତି 0.36 ପ୍ରତିଶତ କ୍ଷତିର ସହ 66.34 ଡଲାର ରହିଛି ।
