ନୂଆଦିଲ୍ଲୀ: ରବିବାର ରାତି 9ଟାରେ ଘରେ ବିଦ୍ୟୁତ ବନ୍ଦ କରିବାକୁ ପିଏମଙ୍କ ଆହ୍ବାନ ପରେ ହାଇଆଲର୍ଟରେ ପାୱର ଗ୍ରୀଡ । ସମଗ୍ର ଦେଶରେ ଲୋଡ ଡିସ୍ପେଚ (ଲୋଡ ପଠାଇବା କେନ୍ଦ୍ର)କୁ ଉଚ୍ଚ ସ୍ତରୀୟ ପ୍ରସ୍ତୁତି କରିବାକୁ ନିର୍ଦ୍ଦେଶ ଦିଆଯାଇଛି । ଯେପରି ଅଚାନକ ବିଦ୍ୟୁତ ବ୍ୟବହାର ହ୍ରାସ ପରେ ପାୱର ଗ୍ରୀଡକୁ କୌଣସି ସମସ୍ୟାର ସାମ୍ନା କରିବାକୁ ପଡିବ ନାହିଁ ।
ସ୍ବତନ୍ତ୍ର ବିଦ୍ୟୁତ ଉତ୍ପାଦକ, କେନ୍ଦ୍ରୀୟ ଓ ରାଜ୍ୟ ବିଦ୍ୟୁତ ଟ୍ରାନ୍ସମିଶନ ଓ ଡିଷ୍ଟ୍ରିବ୍ୟୁଶନ ୟୁନିଲିଭରକୁ ଲେଖାଯାଇଥିବା ପତ୍ରରେ ବ୍ଲାକଆଉଟ ସମୟ ପୂର୍ବରୁ ଓ ପରେ ଗ୍ରୀଡର ସଞ୍ଚାରଳ ସୁନିଶ୍ଚିତ ପାଇଁ ସତର୍କ ରହିବାକୁ କୁହାଯାଇଛି । ଏଥିପାଇଁ ଉଚ୍ଚସ୍ତରୀୟ ଧ୍ୟାନ ଦେବାକୁ କୁହା ଯାଇଛି । ସେହିପରି ଏହି ୟୁଟିଲିଟିଜକୁ ରିଲେ, କ୍ୟାପାସିଟର ଓ ରିଏକ୍ଟର ଗୁଡିକୁ ସେବା ପାଇଁ ପ୍ରସ୍ତୁତ ରଖିବାକୁ ମଧ୍ୟ କୁହାଯାଇଛି । ଯେପରି କୌଣସି ଅଘଟଣ ଘଟିଲେ ଏହାକୁ ତୁରନ୍ତ ନିୟନ୍ତ୍ରଣ କରାଯାଇପାରିବ ।
ପ୍ରକାଶ ଯେ, ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅପିଲ କରିଛନ୍ତି ଯେ, ରବିବାର ରାତି 9ଟାରେ 9 ମିନିଟ ପାଇଁ ନିଜ ଘରର ଲାଇଟ ବନ୍ଦ ରଖନ୍ତୁ । ଏହି ସମୟରେ ଦୀପ ଓ ମହମବତି, ଟର୍ଟ୍ଟ ଜଳାଇବାକୁ କହିଛନ୍ତି ।
