ନୂଆଦିଲ୍ଲୀ: ବିବାଦ ଘେରରେ ରହିଥିବା ପତଞ୍ଜଳୀର କୋରୋନିଲ ଔଷଧକୁ ନେଇ ଯୋଗଗୁରୁ ବାବା ରାମଦେବଙ୍କ ବଡ ଦାବି । ଦୈନିକ ପ୍ରାୟ କୋରୋନିଲ କିଟ୍ର 10 ଲକ୍ଷ ପ୍ୟାକେଟ ଚାହିଦା ରହିଛି । ହେଲେ ଆମେ ଚାହିଦା ପୂରଣ କରିପାରୁନୁ ।
ରାମଦେବ କହିଛନ୍ତି କି, ହରିଦ୍ବାର ସ୍ଥିତ ଏହି କମ୍ପାନୀ ଚାହିଦା ପୂରଣ କରିବା ପାଇଁ ଜୁଝୁଛି । କାରଣ ଏହା ଏବେ ପ୍ରତିଦିନ ମାତ୍ର 1 ଲକ୍ଷ ପ୍ୟାକେଟର ଯୋଗାଣ କରିପାରୁଛି । ସେ ଦାବି କରିଛନ୍ତି କି, ‘‘ ଆମ ଆମ ପାଖରେ ଦୈନିକ କୋରୋନିଲର 10 ଲକ୍ଷ ପ୍ୟାକେଟ ଚାହିଦା ରହିଥିଲେ ସୁଦ୍ଧା 1 ଲକ୍ଷ ପୂରଣ କରିପାରୁଛୁ । ’’ ପତଞ୍ଜଳୀ ଆୟୁର୍ବେଦ ଏହାର ଦାମ ମାତ୍ର 500 ଟଙ୍କା ରଖିଛି ।
‘କୋରୋନା ଭାଇରସ ମହାମାରୀ ମଧ୍ୟରେ ଯଦି ଆମେ ଏହାର ଅଧିକ ଦାମ, ଏପରିକି 5000 ଟଙ୍କା ମଧ୍ୟ କରିବୁ, ତେବେ ବି ଆମେ ସହଜରେ 5,000 କୋଟି ଟଙ୍କା କମେଇପାରିବୁ । କିନ୍ତୁ ଆମେ ଏଭଳି କରୁନାହୁଁ ବୋଲି ରାମଦେବ ଯୁକ୍ତି ବାଢିଛନ୍ତି ।
କୋରୋନିଲ ଔଷଦକୁ ବିକ୍ରି ଉପରେ ଆୟୁଷ ମନ୍ତ୍ରାଳୟ ପ୍ରତିବନ୍ଧକ ଲଗାଇଥିଲା । ହେଲେ ପରେ କେନ୍ଦ୍ର କହିଛି କି, ପତଞ୍ଜଳୀ ଏହି ଉତ୍ପାଦକୁ କେବଳ ପ୍ରତିରୋଧକ କ୍ଷମତା ବୃଦ୍ଧି ବଢାଇବା ଉଦ୍ଦେଶ୍ୟରେ ବିକ୍ରି କରିପାରିବ । ତେବେ କୋଭିଡ-19 ରୋଗର ଚିକିତ୍ସା ଭାବେ ଏହାକୁ ବିକ୍ରି କରାଯିବ ନାହିଁ । ତେବେ ପତଞ୍ଜଳୀ ଗ୍ରୁପର ଆନୂମାନିର କାରବାର ପ୍ରାୟ 10,500 କୋଟି ରହିଛି ।
