ନୂଆଦିଲ୍ଲୀ: ରିଲାଏନ୍ସ ରିଟେଲ ଉଦ୍ୟୋଗରେ ରଣନୀତି ଏବଂ ଆର୍ଥିକ ନିବେଶକମାନେ ପ୍ରବଳ ଆଗ୍ରହ ଦେଖାଉଛନ୍ତି । ବୁଧବାର ରିଲାଏନ୍ସ ଇଣ୍ଡଷ୍ଟ୍ରିଜର ବାର୍ଷିକ ସାଧାରଣ ବୈଠକକୁ ସମ୍ବୋଧନ କରି ମୁକେଶ ଅମ୍ବାନୀ କହିଛନ୍ତି ।
ରିଲାଏନ୍ସ ରିଟେଲ ପୂର୍ବରୁ ହିଁ ନିଜ ଇ-କମର୍ସ ବ୍ୟବସାୟର ପରୀକ୍ଷା ଭିତ୍ତିରେ ଆରମ୍ଭ କରିସାରିଛି । ଅମ୍ବାନୀ କହିଛନ୍ତି କି, ‘‘ଆମେ ଆସନ୍ତା କିଛି ତ୍ରୟମାସରେ ରିଲାଏନ୍ସ ରିଟେଲରେ ବୈଶ୍ବିକ ବୁଝାମଣା ଓ ନିବେଶକଙ୍କୁ ସାମିଲ କରିବୁ । ଆମେ କିରାଣୀ (ଗ୍ରୋସରୀ) ଭାଗୀଦାରଙ୍କ ସହ ଜିଓମାର୍ଟ କିରାଣୀ ମଡେଲର ସଫଳତାର ସହିତ ପରୀକ୍ଷା କରିଛୁ । ଜିଓମାର୍ଟ କିରାଣୀ ପ୍ଲାଟଫର୍ମର ବିଟା ସଂସ୍କରଣ 200 ଟି ସହରରେ ଚାଲିଛି । ଦୈନିକ ଅର୍ଡର 2.5 ଲକ୍ଷ ଅତିକ୍ରମ କରିଛି ଏବଂ ଦିନକୁ ଦିନ ଏହି ସଂଖ୍ୟା ବଢୁଛି ।
ରିଲାଏନ୍ସ ରିଟେଲର 12 ହଜାର ଷ୍ଟୋର ମଧ୍ୟରୁ ଦୁଇ ତୃତୀୟାଂଶରୁ ଅଧିକ ଷ୍ଟୋର ଟିୟର 2, ଟିୟର 3 ଏବଂ ଟିୟର 4 ସହରରେ କାର୍ଯ୍ୟ କରୁଛନ୍ତି। ଏହି ଷ୍ଟୋରଗୁଡିକ କୃଷକମାନଙ୍କଠାରୁ ସିଧାସଳଖ 80 ପ୍ରତିଶତରୁ ଅଧିକ ଫଳ ଏବଂ ପନିପରିବା କିଣୁଛୁ ବୋଲି ମୁକେଶ ଅମ୍ବାନୀ କହିଛନ୍ତି ।
ସେ କହିଛନ୍ତି କି, କୃଷକଙ୍କ ସହ ଯୋଡି ହେବା ଓ ସେମାନଙ୍କ ତାଜା ଉତ୍ପାଦକୁ ସିଧା ଘରରେ ପହଞ୍ଚାଇବା କମ୍ପାନୀର କିରାଣ ରଣନୀତିର ଏକ ଗୁରୁତ୍ବପୂର୍ଣ୍ଣ ଅଂଶ ।
