ନୂଆଦିଲ୍ଲୀ. କୋରୋନା ମାଡରେ ପ୍ରଭାବିତ ବଜାରରେ ବଢୁଛି ସୁନାର ଚାହିଦା । ଫଳରେ ଶୁକ୍ରବାର ସୁନା ଦାମ ବୃଦ୍ଧି ପାଇଛି । ନ୍ୟୁୟର୍କ ବଜାରରେ ସୁନା ଦାମ ହ୍ରାସ ସତ୍ତ୍ବେ ଘରୋଇ ବଜାରରେ ସୁନା ଦାମ ବଢିଚାଲିଛି । 10 ଗ୍ରମ ସୁନା ଦାମ 448 ଟଙ୍କା ବଢି 43,688 ଟଙ୍କାରେ ପହଞ୍ଚିଛି । ସେହିଭଳି ରୂପା ଦାମ 1 କିଲୋ ପିଛା 41,135 ଟଙ୍କାକୁ ବୃଦ୍ଧି ପାଇଛି ।
ମଲ୍ଟି କମୋଡିଟି ଏକ୍ସଚେଞ୍ଜରେ ଜୁନ ଡେଲିଭରି ସୁନା ଦାମ 448 ଟଙ୍କା ବଢି 43,688 ଟଙ୍କା ଛୁଇଁଛି । ଏଥିରୁ 16,935 ଲଟ୍ ପାଇଁ କାରବାର ହୋଇଛି । ସେହିଭଳି ସୁନାର ଅଗଷ୍ଟ ଡେଲିଭରି 460 ଟଙ୍କା ବା 1.06 ପ୍ରତିଶତ ବୃଦ୍ଧି ହୋଇ 10 ଗ୍ରାମ ପିଛା 43,840 ଟଙ୍କା ହୋଇଛି।
ନ୍ୟୁୟର୍କରେ ସୁନା ମୂଲ୍ୟ 3.50 ପ୍ରତିଶତ ହ୍ରାସ ହୋଇ ଆଉନ୍ସ ପିଛା 1,634.20 ଡଲାର ରହିଛି।
