ନୂଆଦିଲ୍ଲୀ: କୋରୋନା ଭାଇରସ ପ୍ରକୋପ ବୃଦ୍ଧି ଯୋଗୁଁ ଯାତ୍ରୀଙ୍କୁ ଆଶ୍ବସ୍ତି ଦେଲା ଗୋ ଏୟାର । ଏପ୍ରିଲ 30 ପର୍ଯ୍ୟନ୍ତ ବୁକ ହୋଇଥିବା ଟିକେଟ ବାତିଲ କିମ୍ବା ପୁନଃନିର୍ଦ୍ଧାରଣ ପାଇଁ କୌଣସି ଶୁଳ୍କ ଲାଗିବ ନାହିଁ ବୋଲି ରବିବାର ଘୋଷଣା କରିଛି ଗୋ ଏୟାର ।
ଏୟାର ଲାଇନର ଏକ ବୟାନରେ କୁହାଯାଇଛି ଯେ, ମାର୍ଚ୍ଚ 8ରୁ ଏପ୍ରିଲ 30 ମଧ୍ୟରେ ଓ ମାର୍ଚ୍ଚ 8ରୁ ସେପ୍ଟେମ୍ବର 30 ମଧ୍ୟରେ ହୋଇଥିବା ସମସ୍ତ ବୁକିଙ୍ଗ ଟିକେଟକୁ ରଦ୍ଦ କିମ୍ବା ରିସେଡ୍ୟୁଲ କରାଯିବ । କୋରୋନା ଭାଇରସର ପ୍ରକୋପକୁ ନଜରରେ ରଖି କମ୍ପାନୀ ପକ୍ଷରୁ ଏଭଳି ପଦକ୍ଷେପ ନିଆଯାଇଛି ।
ସେହିପରି ବିମାନ ଚଳାଚଳ କମ୍ପାନୀ ଇଣ୍ଡିଗୋ କହିଛି ଯେ ମାର୍ଚ୍ଚ 12 ରୁ 31 ମାର୍ଚ୍ଚ ମଧ୍ୟରେ ଯାତ୍ରା ପାଇଁ ବୁକ ହୋଇଥିବା ଘରୋଇ ଓ ଅନ୍ତର୍ଜାତୀୟ ବିମାନ ଯାତ୍ରା ପାଇଁ ତାରିଖ ବଦଳାଇବାକୁ କୌଣସି ଶୁଳ୍କ ଆଦାୟ କରାଯିବ ନାହିଁ ।
ଉଭୟ ବିମାନ ଚଳାଚଳ କମ୍ପାନୀ କହିଛି ଯେ, ତାରିଖ ପରିବର୍ତ୍ତନ ଏବଂ ଟିକେଟ୍ ବାତିଲ ପାଇଁ ଫି ଛାଡ ହେବ । ଏହି ରିହାତି ଉଭୟ ଘରୋଇ ଏବଂ ଅନ୍ତର୍ଜାତୀୟ ବିମାନରେ ଲାଗୁ ହେବ |
