ନୂଆପଡା: ଐତିହ୍ୟ ପରମ୍ପରା ଲୋକ କଳା, ସଂସ୍କୃତି ଓ ଭାଇଚାରାକୁ ସୁଦୃଢ କରିବା ପାଇଁ ଗତ ତିନି ଧରି ନୂଆପଡା ଜିଲ୍ଲା ସିନାପାଲି ହାଇସ୍କୁଲ ପଡିଆ ଠାରେ ୨୦୧୯ ଉଦନ୍ତୀ ମହୋତ୍ସବ ଅନୁଷ୍ଠିତ ହୋଇଯାଇଥିଲା । ଗତକାଲି ସନ୍ଧ୍ୟାରେ ଏହି ମହୋତ୍ସବ ଉଦଯାପିତ ହୋଇଯାଇଛି । ସିନାପାଲି ପଞ୍ଚାୟତ ସମିତି ଅଧକ୍ଷ୍ୟା ତପସ୍ଵନୀ ମାଝୀ ଉଦଯାପନୀ ଉତ୍ସବରେ ଯୋଗଦେଇ ନୂଆପଡାର କଳା ଓ ସଂସ୍କୃତି ଉପରେ କରିଛନ୍ତି ଆଲୋକପାତ ।
ହଜିଯାଉଥିବା ଐତିହ୍ୟ ଲୋକ କଳା ପରମ୍ପରାକୁ ଉଜ୍ଜୀବିତ ରଖିବା ଓ ଯୁବମାନସଙ୍କୁ ନିଜପରମ୍ପରାକୁ ନେଇ ସଚେତନ କରିବା ଉଦ୍ଦେଶ୍ୟରେ ନୂଆପଡାର ପ୍ରସିଦ୍ଧ ଉଦନ୍ତୀ ମହୋତ୍ସବ ପାଳିତ ହୋଇଯାଇଛି । ୧୪ବର୍ଷରେ ପଦାର୍ପଣ କରିଥିବା ଉଦନ୍ତୀ ମହୋତ୍ସବ ନୂଆପଡା ଜିଲ୍ଲାର ଏକ ଅନନ୍ୟ ଉତ୍ସବ ଯାହା ଜିଲ୍ଲାର ସାମୂହିକ ବିକାଶ କରିବାରେ ମାର୍ଗଦର୍ଶନ ଦେଉଛି ।
ଭିଡିଓ ସୌଜନ୍ୟ: ପ୍ରତିନିଧି, ନୂଆପଡା
ପଛୁଆ ଅନୁନ୍ନତ ଅଞ୍ଚଳ ନୂଆପଡାରେ ଏମିତି ଏକ ମହୋତ୍ସବର ଆୟୋଜନ ନିଶ୍ଚିତ ଭାବେ ଜିଲ୍ଲାକୁ ନୂତନ ପରିଚୟ ଦେବ ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
