ସମ୍ବଲପୁର: ଜିଲ୍ଲାରେ ସକ୍ରିୟ ଆଇପିଏଲ ବେଟିଂ କାରବାର। ଆଜି(ଶୁକ୍ରବାର) ସମ୍ବଲପୁର ପୋଲିସ ଆଇପିଏଲରେ ବେଟିଂ କାରବାରରେ ଲିପ୍ତ ଥିବା 2 ଅଭିଯୁକ୍ତଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ସମ୍ବଲପୁର ଓ ଝାରସୁଗୁଡାର ହୋଇଥିବା ବେଳେ ସେମାନଙ୍କ ଠାରୁ ଲକ୍ଷାଧିକ ଟଙ୍କା ଜବତ ହୋଇଛି।
ଗିରଫ ଅଭିଯୁକ୍ତ ମାନେହେଲେ ସମ୍ବଲପୁର ଅଇଁଠା ପାଲି ଅଞ୍ଚଳର ଶୁଭମ କୁମାର ସାହୁ ଓ ଝାରସୁଗୁଡା ଫାଟକ ଗୋଶାଳା ଗଳିର ହରିଷ ସାହୁ। ଅଭିଯୁକ୍ତଙ୍କଠାରୁ 2ଟି ମୋବାଇଲ, ସିମ କାର୍ଡ, ଗୋଟିଏ ସ୍କୁଟି, ନଗଦ 1 ଲକ୍ଷ 92 ହଜାର ଟଙ୍କା ଜବତ ହୋଇଛି।
ଏହାସହ ଅଭିଯୁକ୍ତଙ୍କ 7 ଟି ଆକାଉଣ୍ଟର 40ଲକ୍ଷ 10 ହଜାର ଟଙ୍କାକୁ ପୋଲିସ ଫ୍ରିଜ୍ କରାଯାଇଛି । ଏନେଇ ସୂଚନା ଦେଇଛନ୍ତି ସମ୍ବଲପୁର ଏସପି ବତୁଲା ଗଙ୍ଗାଧର। ସମ୍ବଲପୁର ଟାଉନ ଥାନା ପୋଲିସ ଓ ସ୍ବତନ୍ତ୍ର ସ୍କ୍ବାର୍ଡ ଅଭିଯୁକ୍ତଙ୍କୁ ଗିରଫ କରିଥିବା ବେଳେ ଏନେଇ ଅଧିକ ତଦନ୍ତ ଜାରି ରଖିଛି।
ସମ୍ବଲପୁରରୁ ବାଦଶାହା ଯୁସ୍ମନ ରାଣା, ଇଟିଭି ଭାରତ
