ଭୁବନେଶ୍ବର: ସାମୁଦ୍ରିକ ଝଡ ଫନି ତାର ପ୍ରଚଣ୍ଡ ଆକ୍ରମଣରେ ଅଧା ଓଡିଶାକୁ ଛିନଛତ୍ର କରି ପକାଇଥିବା ବେଳେ ବିଶ୍ବନୟନ୍ତାଙ୍କ ଶ୍ରୀମନ୍ଦିରକୁ ମଧ୍ୟ ବାଦ ଦେଲାନି ନିଜ ଆକ୍ରମଣରୁ । ଫନିର ଭୟଙ୍କର ମାଡରେ ଶ୍ରୀମନ୍ଦିର ମଧ୍ୟ କ୍ଷତିଗ୍ରସ୍ତ ହୋଇଥିବା ବେଳେ ରତ୍ନସିଂହାସନରେ ମଧ୍ୟ ବର୍ଷା ପାଣି ପଡିଥିବା କୁହାଯାଉଛି ।
ତେବେ ମହାବାହୁଙ୍କ କୃପାରୁ ଶ୍ରୀଜିଉଙ୍କ ଶ୍ରୀଅଙ୍ଗ ସୁରକ୍ଷିତ ଅଛି । ହେଲେ ମନ୍ଦିରର ଅନେକ ଅଶଂ କ୍ଷତିଗ୍ରସ୍ତ ହୋଇଯାଇଛି । ରାଜ୍ୟର ଏହି ଘଡିସନ୍ଧି ମୁହୁର୍ତ୍ତରେ କ୍ଷତିଗ୍ରସ୍ତ ହୋଇଥିବା ଶ୍ରୀମନ୍ଦିର ମରାମତି ପାଇଁ ଆଜି ଭାରତୀୟ ତୈଳ ନିଗମ(ଆଇଓସିଏଲ) ମନ୍ଦିରକୁ ପାଞ୍ଚ କୋଟି ଟଙ୍କା ଦାନ କରିଛନ୍ତି । ଆଜି ଏନେଇ ଆଇଓସିଏଲ କତ୍ତୃପକ୍ଷ ଟ୍ବିଟ ଯୋଗେ ସୂଚନା ଦେଇଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
