ଭୁବନେଶ୍ବର: ସାମୁଦ୍ରିକ ଝଡ ସମ୍ଭାବ୍ୟ ବାତ୍ୟା ଫନି ମୁକାବିଲା ପାଇଁ ରାଜ୍ୟ ପ୍ରଶାସନ ପୁରା ପ୍ରସ୍ତୁତ ହେଉଛି । ରାଜ୍ୟକୁ ମାଡି ଆସୁଥିବା ବାତ୍ୟା ପାଇଁ କେନ୍ଦ୍ର ସରକାର ମୁକାବିଲା ପାଇଁ ସମ୍ପୂର୍ଣ୍ଣ ସହଯୋଗ କରୁଛନ୍ତି । ଯେମିତି କୌଣସି କ୍ଷୟକ୍ଷତି ନହୁଏ ସେଥିପାଇଁ କେନ୍ଦ୍ର କ୍ୟାବିନେଟ ସେକ୍ରେଟେରୀ ରାଜ୍ୟ ମୁଖ୍ୟ ଶାସନ ସଚିବଙ୍କ ସହ ବରାବର ଯୋଗ ସୂତ୍ରରେ ଅଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଆଜି ପୁଣି ଥରେ କ୍ୟାବିନେଟ ସେକ୍ରେଟେରୀ ଭିଡିଓ କନଫରେନ୍ସି ଯୋଗେ ସ୍ଥିତିର ସମୀକ୍ଷା କରିବା ସହ ସମସ୍ତ ସହାୟତା ଯୋଗାଇ ଦିଆଯିବ ବୋଲି କହିଛନ୍ତି । ବୈଠକ ପରେ ସ୍ବତନ୍ତ୍ର ରିଲିଫ୍ କମିଶନର ବିଷ୍ଣୁପଦ ସେଠୀ କହିଛନ୍ତି କାଲି ସଂଧ୍ୟା ସୁଦ୍ଧା ତଳିଆ ଅଞ୍ଚଳରୁ ଲୋକଙ୍କୁ ସ୍ଥାନାନ୍ତର କରାଯିବ ଏବଂ ଏକ ଲକ୍ଷରୁ ଅଧିକ ଲୋକଙ୍କ ପାଇଁ ଶୁଖିଲା ଖାଦ୍ୟ ପ୍ରସ୍ତୁତି କରାଯାଉଛି ।
ଏହାସହ ଆବଶ୍ୟକ ସ୍ଥଳେ ବ୍ୟବହାର ପାଇଁ ମଗାଯାଇଥିବା ହେଲିକେପ୍ଟର ମଧ୍ୟ କେନ୍ଦ୍ର ଯୋଗାଇ ଦେବ ବୋଲି ଏସାରସି କହିଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
