ବୌଦ୍ଧ: ପାଖେଇ ଆସୁଛି ନିର୍ବାଚନ । ଚଳଚଞ୍ଚଳ ସମସ୍ତ ପ୍ରାର୍ଥୀ । ଆଉ ଆରମ୍ଭ ହୋଇସାରିଲାଣି ନିର୍ବାଚନ ପ୍ରଚାର ଅଭିଯାନ । କନ୍ଧମାଳ ଲୋକସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ବୌଦ୍ଧ ଜିଲ୍ଲାର କଣ୍ଟାମାଳ ଓ ବୌଦ୍ଧ ବିଧାନସଭା ଆସନରେ ରବିବାର ବିଜେପି ସାଂସଦ ପ୍ରାର୍ଥୀ ଖାରବେଳ ସ୍ବାଇଁ କର୍ମୀ ସମ୍ମିଳନୀରେ ଯୋଗ ଦେବାସହ ଡୋର ଟୁ ଡୋର କ୍ୟାମ୍ପେନ କରିଥିଲେ । ହରଭଙ୍ଗା ବ୍ଲକର ବଙ୍କାପଡାଠାରେ ବିଜେପି ପକ୍ଷରୁ ଆୟୋଜିତ କର୍ମୀ ସମ୍ମିଳନୀରେ ଉଭୟ ସାଂସଦ ପ୍ରାର୍ଥୀ ଓ ବିଧାୟକ ପ୍ରାର୍ଥୀଙ୍କ ସହ ଅନେକ ବରିଷ୍ଠ ନେତା ଯୋଗ ଦେଇଥିଲେ ।
ରବିବାର ବିଜେପି ପକ୍ଷରୁ ପ୍ରଥମେ କଣ୍ଟାମାଳ ନିର୍ବାଚନ ମଣ୍ଡଳୀରେ କର୍ମୀ ସମ୍ମିଳନୀରେ ବିଧାୟକ ପ୍ରାର୍ଥୀ କହ୍ନେଇ ଚରଣ ଡାଙ୍ଗଙ୍କ ଉପସ୍ଥିତିରେ ଖାରବେଳ ଯୋଗ ଦେଇଥିଲେ । ଏହାସହ ବୌଦ୍ଧ ନିର୍ବାଚନ ମଣ୍ଡଳୀରେ ବିଧାୟକ ପ୍ରାର୍ଥୀ ସୁଶାନ୍ତ କୁମାର ପ୍ରଧାନ ଓ ଅନ୍ୟ ବରିଷ୍ଠ ନେତାଙ୍କ ଉପସ୍ଥିତିରେ ଅନେକ ଯୁବକ ବିଜେପିରେ ଯୋଗ ଦେଇଥିଲେ । ଏହି ସମ୍ମିଳନୀରେ ବରିଷ୍ଠ ନେତା ସଚ୍ଚିଦାନନ୍ଦ ଦଲାଲ, ଅକ୍ଷୟ କୁମାର ସାହୁ, ଯୁଗଳ ସାହୁ, ଜିଲ୍ଲା ସଭାପତି ସୌମିତ୍ରୀ ନାଏକ ପ୍ରମୁଖ ଯୋଗ ଦେଇଥିଲେ । ପରେ ବୌଦ୍ଧ ସହରର ବିଭିନ୍ନ ସ୍ଥାନରେ ଘର ଓ ଦୋକାନ ବୁଲି ବୁଲି ବିଜେପି ଦଳ ନିମନ୍ତେ ଭୋଟ ଦେବାକୁ ଅନୁରୋଧ କରିଥିଲେ ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
