ଭୁବନେଶ୍ବର: ନିର୍ବାଚନ ଜିତିବା ପାଇଁ ନିଆରା ଫର୍ମୁଲା । ପଦଯାତ୍ରା, ରାଲି ପରେ ଏବେ ରାଜନୈତିକ ଦଳଙ୍କୁ ସାଇକେଲ ସାହା । ପ୍ରଚାର କରିବା ସହ ଲୋକଙ୍କ ଆସ୍ଥା ଭାଜନ ହେବା ଲାଗି ବିଭିନ୍ନ ଦଳ ଭିନ୍ନ ଭିନ୍ନ କୌଶଳ ଆପଣଆଉଥିବାବେଳେ ବିଜେପି ପାଇଁ ସାଇକେଲ ପାଲଟିଛି ସାହାରା । ରାଜଧାନୀର ରାଜରାସ୍ତାରେ ବୁଲି ବୁଲି ସାଇକେଲରେ ଚାଲିଛି ଦଳ ପାଇଁ ପ୍ରଚାର ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସାଇକେଲର ଆଗରେ-ପଛରେ ପଦ୍ମଫୁଲ ଚିହ୍ନ ସହ ମୋଦିଙ୍କ ଫଟୋ ଦେଖିବାକୁ ମିଳୁଛି । ସାଇକେଲରେ ସ୍ପିକର ଖଞ୍ଜାଯାଇ ଦଳୀୟ ଇସ୍ତାହାର ସହ ରାଜ୍ୟ ସରକାରଙ୍କ ବିଫଳତାକୁ ଲୋକଙ୍କ ପାଖରେ ପହଞ୍ଚାଇବା ପାଇଁ ପ୍ରୟାସ ଚାଲିଛି ।
ତେବେ କେବଳ ଭୁବନେଶ୍ବର ନୁହେଁ, ଦଳ ଦଳ ରାଜ୍ୟର ବିଭିନ୍ନ ସ୍ଥାନରେ ସାଇକେଲରେ ପ୍ରଚାର ଚଲାଇଥିବା ଜଣାପଡିଛି । ପାର୍ଟି ଅଫିସରୁ 150ଟି ସାଇକେଲ ବାହାରିବା ସହ ଦଳ ପାଇଁ ପ୍ରଚାର କରୁଥିବା ଦଳ ପକ୍ଷରୁ କୁହାଯାଇଛି । 5ଟି ସାଇକେଲକୁ ନେଇ ଗୋଟିଏ ଟିମ୍ ଗଠନ ହେବା ସହ ଦଳ ପାଇଁ ପ୍ରଚାର କରାଯାଉଥିବା ଜଣାପଡିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
