ନୂଆଦିଲ୍ଲୀ: ପଶ୍ଚିମବଙ୍ଗରୁ ଆରମ୍ଭ ହୋଇଥିବା ଡାକ୍ତରଙ୍କ ନିଆଁ ଏବେ ସାରା ଦେଶକୁ ବ୍ୟାପିଛି । ଅଲ ଇଣ୍ଡିଆନ ମେଡିକାଲ ଆସୋସିଏସନ ପକ୍ଷରୁ ସୋମବାର ଆରମ୍ଭ ହୋଇଥିବା ଏହି ଦେଶବ୍ୟାପୀ ଆନ୍ଦୋଳନରେ ଏମସ ଡାକ୍ତରମାନେ ସାମିଲ ହୋଇଛନ୍ତି। ତେବେ ଆନ୍ଦୋଳନ ପୂର୍ବରୁ ଏମସର କୌଣସି ଡାକ୍ତର ଏଥିରେ ସାମିଲ ହେବେ ନାହିଁ ବୋଲି ସିଧାସଳଖ ମନା କରି ଦେଇଥିଲେ ।
ସାରାଦେଶରୁ ପାଖାପାଖି 10 ଲକ୍ଷ ଡାକ୍ତର ନିଜ ସୁରକ୍ଷା ଦାବି କରି ସୋମବାର ଆନ୍ଦୋଳନକୁ ଓହ୍ଲାଇଛନ୍ତି । ରେସିଡେଣ୍ଟ ଡାକ୍ତର ଆସୋସିଏସନ ପକ୍ଷରୁ ଜାରି କରାଯାଇଥିବା ରିପୋର୍ଟ ଅନୁସାରେ, ଏମସ ଡାକ୍ତର ଆଜି(ସୋମବାର) ଦିନ12ଟାରୁ ମଙ୍ଗଳବାର ସକାଳ 6ଟା ପର୍ଯ୍ୟନ୍ତ ଆନ୍ଦୋଳନରେ ବସିବେ ।
ଦିଲ୍ଲୀର ଆଇଏମଏ ବ୍ୟାନର ତଳେ ସାରା ଦେଶରୁ ପାଖାପାଖି 3 ଲକ୍ଷରୁ ଊର୍ଦ୍ଧ୍ବ ଡାକ୍ତର ଆନ୍ଦୋଳନ କରିଛନ୍ତି । ସରକାରୀ ହସ୍ପିଟାଲର ଡାକ୍ତରଙ୍କ ସହ ଆୟୁଷ ଡାକ୍ତର ମଧ୍ୟ ଆନ୍ଦୋଳନକୁ ଓହ୍ଲାଇଛନ୍ତି । 10 ଲକ୍ଷ ଡାକ୍ତର ଆନ୍ଦୋଳନକୁ ଓହ୍ଲାଇଥିବା ବେଳେ ରୋଗୀଙ୍କ ନାନା ସମସ୍ୟାର ସାମନା କରିବାକୁ ପଡିବ । କିନ୍ତୁ ହସ୍ପିଟାଲର ଜରୁରୀକାଳୀନ ବିଭାଗ, ଲେବର ରୁମ ଏବଂ ମୃତଦେହ ବ୍ୟବଚ୍ଛେଦ କାର୍ଯ୍ୟ ଜାରି ରହିବ ।
