ବ୍ରହ୍ମପୁର: ଗଞ୍ଜାମ ଜିଲ୍ଲାର ସଦର ମହକୁମ୍ମା ଛତ୍ରପୁର ଠାରେ କାର୍ଯ୍ୟକ୍ଷମ ହେଲା ୧୦୦ ଶଯ୍ୟା ବିଶିଷ୍ଟ କୋଭିଡ୍ ହେଲ୍ଥ ସେଣ୍ଟର । ସ୍ଥାନୀୟ ଛତ୍ରପୁରସ୍ଥିତ ସରକାରୀ ବିଜ୍ଞାନ ମହାବିଦ୍ୟାଳୟ ପରିସରରେ ୧୦୦ ଶଯ୍ୟା ବିଶିଷ୍ଟ ଡେଡିକେଟେଡ୍ କୋଭିଡ୍ ହେଲ୍ଥ ସେଣ୍ଟର କାର୍ଯ୍ୟକ୍ଷମ କରାଯାଇଥିବାବେଳେ କେନ୍ଦ୍ରରେ ୧୫ଟି ଶଯ୍ୟା ବିଶିଷ୍ଟ ଅକ୍ସିଜେନ୍ର ବ୍ୟବସ୍ଥା କରାଯାଇଛି ।
ଛତ୍ରପୁର ଏନ୍.ଏ.ସି ଏବଂ ବ୍ଲକ ସମେତ ନିକଟବର୍ତ୍ତୀ ବ୍ଲକର କୋଭିଡ୍ ରୋଗୀଙ୍କୁ ଚିକିତ୍ସା ପାଇଁ ଏହା କାର୍ଯ୍ୟ କରିବ । ଏପରିକି ଏହି କୋଭିଡ୍ ହେଲଥ୍ ସେଣ୍ଟରରେ 6 ଜଣ ଡାକ୍ତର ନିଯୁକ୍ତ ହୋଇଥିବା ଜଣାଯାଇଛି । ଏପରିକି ଏହି ଅବସରରେ ଛଅ ଜଣ ନର୍ସିଂ କର୍ମଚାରୀ, 3 ଜଣ ଫାର୍ମାସିଷ୍ଟ ସମେତ ସୁଇପର ଏବଂ ସୁରକ୍ଷା କର୍ମୀଙ୍କୁ ନିଯୁକ୍ତ କରାଯାଇଛି । ସେହିପରି ଏହି ଅବସରରେ ଡି.ସି.ଏଚ୍.ସି ଛତ୍ରପୁର ପକ୍ଷରୁ ହେଲପ୍ ଲାଇନ୍ ନମ୍ବର ୯୪୩୮୫୪୩୪୯୦ ଜାରି କରାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ , ଇଟିଭି ଭାରତ
