ଲକ୍ଷ୍ନୌ: ଅଖିଳ ଭାରତ ଆଖଡ଼ା ପରିଷଦର ସଭାପତି ମହନ୍ତ ନରେନ୍ଦ୍ର ଗିରିଙ୍କ ସନ୍ଦେହଜନକ ମୃତ୍ୟୁକୁ ନେଇ ବିବାଦ ବଢିବାରେ ଲାଗିଛି । ସେ ଆତ୍ମହତ୍ୟା କରିଥିଲେ ନା ତାଙ୍କୁ ହତ୍ୟା କରାଯାଇଥିଲା । ଏହା ଲୋକଙ୍କ ପାଇଁ ଆଲୋଚନାର ବିଷୟ ପାଲଟିଛି | ପୋଲିସ ଏହି ଘଟଣାରେ ନିରନ୍ତର ତଦନ୍ତ କରୁଥିବା ବେଳେ ଯୋଗୀ ସରକାର ଏହାର ଅନୁସନ୍ଧାନ ପାଇଁ ମଙ୍ଗଳବାର ଏକ କମିଟି ଗଠନ କରିଥିଲେ । ଏଥିସହିତ ସନ୍ଥମାନେ ତାଙ୍କ ସନ୍ଦେହଜନକ ମୃତ୍ୟୁ ସମ୍ପର୍କରେ ସିବିଆଇ ତଦନ୍ତ ଦାବି କରିଆସୁଥିଲେ । ବୁଧବାର ରାତିରେ ୟୁପି ସରକାର ମଧ୍ୟ ଏହି ଘଟଣାର ସିବିଆଇ ତଦନ୍ତ ପାଇଁ ସୁପାରିଶ କରିଛନ୍ତି । କେନ୍ଦ୍ର ସରକାରଙ୍କ ଅନୁମୋଦନ ପାଇବା ପରେ ସିବିଆଇ ଟିମ ଏହାର ତଦନ୍ତ କରିବ ବୋଲି ଉତ୍ତରପ୍ରଦେଶ ଗୃହ ବିଭାଗ ଟ୍ବିଟ କରି ଏହି ସୂଚନା ଦେଇଛନ୍ତି ।
-
प्रयागराज में अखाड़ा परिषद के अध्यक्ष महन्त नरेन्द्र गिरि जी की दुःखद मृत्यु से जुड़े प्रकरण की मा. मुख्यमंत्री जी के आदेश पर सी.बी.आई. से जाँच कराने की संस्तुति की गई l
— HOME DEPARTMENT UP (@homeupgov) September 22, 2021 " class="align-text-top noRightClick twitterSection" data="
">प्रयागराज में अखाड़ा परिषद के अध्यक्ष महन्त नरेन्द्र गिरि जी की दुःखद मृत्यु से जुड़े प्रकरण की मा. मुख्यमंत्री जी के आदेश पर सी.बी.आई. से जाँच कराने की संस्तुति की गई l
— HOME DEPARTMENT UP (@homeupgov) September 22, 2021प्रयागराज में अखाड़ा परिषद के अध्यक्ष महन्त नरेन्द्र गिरि जी की दुःखद मृत्यु से जुड़े प्रकरण की मा. मुख्यमंत्री जी के आदेश पर सी.बी.आई. से जाँच कराने की संस्तुति की गई l
— HOME DEPARTMENT UP (@homeupgov) September 22, 2021
ସୂଚନା ମୁତାବକ, ସେପ୍ଟେମ୍ବର 20ରେ ଅଖିଳ ଭାରତ ଆଖଡ଼ା ପରିଷଦର ସଭାପତି ମହନ୍ତ ନରେନ୍ଦ୍ର ଗିରିଙ୍କୁ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା । ତାଙ୍କ କୋଠରୀରୁ ଅନେକ ପୃଷ୍ଠାର ଏକ ସୁଇସାଇଡ ନୋଟ୍ ମଧ୍ୟ ଜବତ କରାଯାଇଥିଲା । ଯେଉଁଥିରେ ମହନ୍ତ ନରେନ୍ଦ୍ର ଗିରିଙ୍କୁ ଆତ୍ମହତ୍ୟା କରିବାକୁ ବାଧ୍ୟ କରୁଥିବା ତିନି ଜଣଙ୍କ ନାମ ଲେଖାଯାଇଥିଲା । ପ୍ରଥମ ନାମ ମହନ୍ତ ନରେନ୍ଦ୍ର ଗିରିଙ୍କ ଶିଷ୍ୟ ସ୍ବାମୀ ଆନନ୍ଦ ଗିରି ଲେଖାଯଇଥିବାବେଳେ ଦ୍ବିତୀୟ ନାମ ଲେଟେ ହନୁମାନ ମନ୍ଦିରର ମୁଖ୍ୟ ପୁରୋହିତ ଆଧ୍ୟା ତିୱାରୀ ଏବଂ ତୃତୀୟ ନାମ ଆଦ୍ୟ ତିୱାରୀଙ୍କ ପୁଅ ସନ୍ଦୀପ ତିୱାରୀଙ୍କ ଦ୍ୱାରା ଲେଖାଯାଇଥିଲା। ଆଧ୍ୟା ତିୱାରୀ ବ୍ୟତୀତ ପୋଲିସ ହରିଦ୍ବାରରୁ ଆନନ୍ଦ ଗିରିଙ୍କୁ ଧରିଥିଲା।
ସେବେଠାରୁ ପୋଲିସ ଆଧ୍ୟା ତିୱାରୀଙ୍କ ପୁଅ ସନ୍ଦୀପ ତିୱାରୀଙ୍କୁ ଖୋଜୁଥିଲା, ଯାହାକୁ ଡିଆଇଜି ଦ୍ବାରା ଗଠିତ ଏସଆଇଟି ବୁଧବାର ଗିରଫ କରିଥିଲା। ସନ୍ଧ୍ୟାବେଳେ ପୋଲିସ ଆନନ୍ଦ ଗିରି ଏବଂ ଆଧ୍ୟା ତିୱାରୀଙ୍କୁ ମଧ୍ୟ କୋର୍ଟରେ ହାଜର କରିଛି ଯେଉଁଠାରୁ କୋର୍ଟ ଉଭୟଙ୍କୁ 14 ଦିନ ପାଇଁ ନ୍ୟାୟିକ ହେପାଜତକୁ ପଠାଇଛନ୍ତି । ସନ୍ଦୀପ ତିୱାରୀଙ୍କୁ ପଚରାଉଚରା କରିବା ପରେ ତାଙ୍କୁ ଗୁରୁବାର କୋର୍ଟରେ ହାଜର କରାଯାଇପାରେ ।
ଏପଟେ ସାଧୁ ଏବଂ ତାଙ୍କ ଅନୁଗାମୀମାନେ କ୍ରମାଗତ ଭାବରେ ତାଙ୍କ ଆତ୍ମହତ୍ୟାକୁ ଅସ୍ବୀକାର କରୁଛନ୍ତି । ତେବେ ନରେନ୍ଦ୍ର ଗିରିଙ୍କ ସନ୍ଦେହଜନକ ମୃତ୍ୟୁକୁ ନେଇ ଆହ୍ଲାବାଦ ହାଇକୋର୍ଟ ବାର ଆସୋସିଏସନର ଯୁଗ୍ମ ସଚିବ ମଧ୍ୟ ସିବିଆଇ ତଦନ୍ତ ପାଇଁ ଆବେଦନ କରିଛନ୍ତି। ଏହାସହ କଂଗ୍ରେସ ଏବଂ ଆମ୍ ଆଦମୀ ପାର୍ଟି ସମେତ ଅନେକ ଦଳ ସିବିଆଇ ତଦନ୍ତ ଦାବି କରିଛନ୍ତି। କଂଗ୍ରେସର ବରିଷ୍ଠ ନେତା ପ୍ରମୋଦ ତିୱାରୀ ମଧ୍ୟ ସିବିଆଇ ତଦନ୍ତ ଦାବି କରିଛନ୍ତି ।
ଅନ୍ୟପଟେ ବିଜେପି ସାଂସଦ ସ୍ବାମୀ ଚିନ୍ମୟାନନ୍ଦ ମଧ୍ୟ ତାଙ୍କ ସୁଇସାଇଡ ଏବଂ ସୁଇସାଇଡ ନୋଟ ଉପରେ ପ୍ରଶ୍ନ ଉଠାଇଛନ୍ତି। ସ୍ବାମୀ ଚିନ୍ମୟାନନ୍ଦଙ୍କ ମତ ଅନୁଯାୟୀ, ନରେନ୍ଦ୍ର ଗିରିଙ୍କ ପାଖରୁ ମିଳିଥିବା ସୁଇସାଇଡ ନୋଟକୁ ସେ ନିଜେ ଲେଖିନାହାନ୍ତି । ତେଣୁ ଏହି ପୂରା ମାମଲାର ସିବିଆଇ ତଦନ୍ତ କରିବା ଦ୍ବାରା ହିଁ ତାହା ସ୍ପଷ୍ଟ ହୋଇପାରିବ ବୋଲି ସେ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
