ହାଇଦ୍ରାବାଦ: ମାଛ ମାଂସ ଖାଇବାକୁ ଅନେକ ଲୋକ ପସନ୍ଦ କରନ୍ତି । ହେଲେ ଫିଟ ରହିବାକୁ ଅନେକ ଶାକାହାରୀ ଖାଦ୍ୟ ଖାଆନ୍ତି । ବିଶେଷ କରି ଡାଏଟ କରୁଥିବା ବ୍ୟକ୍ତି ପନି ପରିବାଯୁକ୍ତ ଖାଦ୍ୟ ଖାଇବାକୁ ଅଧିକ ମନ ବଳାଇଥାନ୍ତି । ଫିଲ୍ମ ତାରକାଙ୍କଠାରୁ ନେଇ କ୍ରୀଡାବିତ୍ ସମସ୍ତେ ପ୍ରାୟ ଶାକାହାରୀ ଖାଦ୍ୟ ଖାଇଥାନ୍ତି । ମାଛ, ମାଂସ ଓ ଅଣ୍ଡା ପରି ଆମିଷ ତ୍ୟାଗ କରିବା ସହିତ ଦୁଗ୍ଧଯୁକ୍ତ ଖାଦ୍ୟ ଓ ଅନ୍ୟ ପ୍ରାଣୀଜାତ ଉତ୍ପାଦକୁ ଖାଇନଥାନ୍ତି । ଏହା ଦ୍ବାରା ଶରୀର ସୁସ୍ଥ ରହିଥାଏ । ଏହି ଖାଦ୍ୟ ଖାଉଥିବା ଲୋକଙ୍କ ଜୀବନଶୈଳୀ ପ୍ରତି ସଚେତନତା ସୃଷ୍ଟି କରିବା ପାଇଁ ପ୍ରତିବର୍ଷ ନଭେମ୍ବର ୧ ତାରଖକୁ ବିଶ୍ବ ଭେଗାନ ଦିବସ ଭାବରେ ପାଳନ କରାଯାଏ ।
ବର୍ତ୍ତମାନ ଲୋକଙ୍କ ଭିତରେ ପରିବାଯୁକ୍ତ ଖାଦ୍ୟର ଚାହିଦା ବଢୁଛି । ଏହା ସ୍ବାସ୍ଥ୍ୟ ପାଇଁ ଉପଯୁକ୍ତ । ଭେଗାନ ଅନ୍ତର୍ଭୁକ୍ତ ଖାଦ୍ୟ କୋଲେଷ୍ଟୋଲ, ହୃଦରୋଗ ହ୍ରାସ କରିଥାଏ ବୋଲି ବିଶେଷଜ୍ଞମାନେ ମତ ରଖିଛନ୍ତି । ବ୍ରିଟେନର ଭେଗାନ ସୋସାଇଟି ପକ୍ଷରୁ ୧୯୯୪ମସିହାରେ ପ୍ରଥମ କରି ଏହି ଦିବସ ପାଳନ ହୋଇଥିଲା । ସେବେଠାରୁ ପ୍ରତିବର୍ଷ ଏହା ପାଳିତ ହୋଇଆସୁଛି । ଅନେକ ଅଧ୍ୟୟନରୁ ଜଣାପଡିଛି ଯେ ଭେଗାନ ଡାଏଟ ଓଜନ ହ୍ରାସ କରିବାରେ ସହାୟକ ହୋଇପାରେ ।