ଜୟପୁର: ରାଜସ୍ଥାନର ଭରତପୁରରେ ଏକ କୁକୁଡାର ମୃତ୍ୟୁ ଏବେ ଚର୍ଚ୍ଚାର ବିଷୟ ପାଲଟିଛି । ମୃତ କୁକୁଡାଙ୍କୁ ନେଇ ଥାନାରେ ପହଞ୍ଚିଲେ ମହିଳା (Woman went to police station with dead Cocks) । ସ୍ଥାନୀୟ କାମାଙ୍ଗ ଥାନାରେ ମହିଳା ଜଣକ ତାଙ୍କର ଦୁଇ କୁକୁଡାଙ୍କ ହତ୍ୟା ଅଭିଯୋଗ କରିଥିଲେ । ଏଭଳି ଆଶ୍ଟର୍ଯ୍ୟକର ଘଟଣା ଦେଖିବାକୁ ମିଳିଛି ରାଜସ୍ଥାନର ଭରତପୁରରେ । ଯାହା ବର୍ତ୍ତମାନ ସହରରେ ଚର୍ଚ୍ଚାର ବିଷୟ ପାଲଟିଛି ।
କାମାଂ ସହରର ରାମଜୀ ଗେଟ୍ ବାସିନ୍ଦା ହାନସିରା ନାମକ ଜଣେ ମହିଳା କହିଛନ୍ତି ଯେ, "ତାଙ୍କର ଦୁଇଟି କୁକୁଡ଼ା ଅଛି । ସେ ଅନେକ ଥର ଘରୁ ବାହାରକୁ ଆସୁଥିଲେ (Woman accused neighbour of Killing cocks) | ଅନେକ ଥର ଉଭୟ କୁକୁଡ଼ା ପଡୋଶୀ ଘରେ ରହୁଥିବା ରସ୍ତୁନା ନାମକ ଜଣେ ମହିଳାଙ୍କ ଘରେ ପ୍ରବେଶ କରି ତାଙ୍କୁ ହଇରାଣ କରୁଥିଲେ । ଏନେଇ ଉଭୟଙ୍କ ମଧ୍ୟରେ ଅନେକ ଥର ଯୁକ୍ତିତର୍କ ମଧ୍ୟ ହୋଇଥିଲା । ଏଥିସହ ରସ୍ତୁନା ଉଭୟ କୁକୁଡ଼ାକୁ ମାରିଦେବାକୁ ଧମକ ଦେଉଥିଲେ ।
ସେହିପରି ପୁଣିଥରେ ଆଜି ତାଙ୍କର ଉଭୟ କୁକୁଡ଼ା ଘରୁ ବାହାରି ରାସ୍ତୁନାଙ୍କ ଘରେ ପଶିଯାଇଥିଲେ । ଏନେି ରସ୍ତୁନା ମଇଦାରେ ବିଷ ମିଶାଇ ଉଭୟ କୁକୁଡ଼ାକୁ ଖାଇବାକୁ ଦେଇଥିଲେ ଯାହାଦ୍ବାରା ଉଭୟ କୁକୁଡ଼ା ଘରକୁ ଫେରି ଆସିବାର କିଛି ସମୟ ପରେ ଉଭୟଙ୍କର ମୃତ୍ୟୁ ହୋଇଥିଲା । ତେବେ ଏନେଇ ରାସ୍ତୁନାଙ୍କ ବିରୋଧରେ ଉଭୟ କୁକୁଡ଼ାଙ୍କର ହତ୍ୟା ମାମଲା ରୁଜୁ କରାଯାଉ ବୋଲି ମହିଳା ଦାବି କରିଛନ୍ତି । ଯାହାକୁ ନେଇ ଚର୍ଚ୍ଚାର ବିଷୟ ପାଲଟିଛି ।
