କୋଲକାତା: ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା ମମତା ବାନାର୍ଜୀଙ୍କୁ ଆସାମରେ ନିର୍ବାଚନ ଲଢିବାକୁ ନିମନ୍ତ୍ରଣ କରିଛନ୍ତି । ସେ କହିଛନ୍ତି, ଯଦି ଟିଏମସି ଆସାମରେ ନିର୍ବାଚନ ଲଢେ ତେବେ ତାହା ତାଙ୍କ ଦଳ ପାଇଁ ଫାଇଦା ହେବ ।
ରବିବାର ଆସାମ ମୁଖ୍ୟମନ୍ତ୍ରୀ ପଶ୍ଚିମବଙ୍ଗର ସିଲିଗୁଡି ଗସ୍ତ କରିଛନ୍ତି । ଏକ ସାମ୍ବାଦିକ ସମ୍ମିଳନୀରେ ସେ କହିଛନ୍ତି, ମମତା ବାନାର୍ଜୀଙ୍କ ଟିଏମସି ପାର୍ଟି ଯଦି ଆସାମରେ ନିର୍ବାଚନ ଲଢିବା ପାଇଁ ଚାହିଁବେ ତେବେ ତାଙ୍କୁ ସେ ସ୍ବାଗତ କରିବେ, କାରଣ ବିରୋଧିଙ୍କ ଭୋଟ ଭାଗଭାଗ ହେବ । ଏହି ସମ୍ମିଳନୀରେ ମମତା ସରକାରରେ ହେଉଥିବା ହିଂସାର ମଧ୍ୟ ତୀବ୍ର ସମାଲୋଚନା କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
