କୋଲକାତା: ପଶ୍ଚିମବଙ୍ଗର ମୁଖ୍ୟ ନିର୍ବାଚନ କମିଶନ ଆରିଜ ଅଫତାଫ କୋଲକାତା ହାଇର୍କୋଟଙ୍କ ନିର୍ଦ୍ଦେଶ କ୍ରମେ ରାଜ୍ୟରେ କୋଭିଡ ନିୟମକୁ କଡାକଡି ପାଳନ କରିବାକୁ ସମସ୍ତ ଜିଲ୍ଲା ମାଜିଷ୍ଟ୍ରେଟଙ୍କୁ ନେଇ ଶୁକ୍ରବାର ଏକ ସର୍ବଦଳୀୟ ବୈଠକ ଡାକିଛନ୍ତି । ରାଜ୍ୟରେ ବାକି ଥିବା ଆଉ ଚାରୋଟି ନିର୍ବାଚନରେ କୋଭିଡ ନିୟମ କଡାକଡି କରିବାକୁ ବୈଠକରେ ନିଷ୍ପତ୍ତି ହେବ ।
ରାଜ୍ୟର ପ୍ରତି ରାଜନୈତିକ ଦଳରୁ କେବଳ ଜଣେ ସଦ୍ୟସ ଉପସ୍ଥିତ ରହିବେ । ବୈଠକରେ ବାକି ଥିବା ଚାରୋଟି ନିର୍ବାଚନ ପ୍ରଚାର ବିଷୟରେ ଆଲୋଚନା ହେବ । କୋରୋନାର ସବୁ ନିୟମ ମାସ୍କ ବ୍ୟବହାର କରିବା ସାମାଜିକ ଦୂରତା ରକ୍ଷା କରିବା ଆଦି ଦିଗ ଉପରେ ଆଲୋଚନା କରାଯିବା ନେଇ ସୂଚନା ମିଳିଛି ।
ବୈଠକରେ ରାଜ୍ୟ ଅତିରିକ୍ତ ମହାନିର୍ଦେଶକ ପୋଲିସ ଜଗ ମୋହନ ଏବଂ ରାଜ୍ୟ ସ୍ୱାସ୍ଥ୍ୟ ସଚିବ ଏନ ଏସ ନିଗମ ମଧ୍ୟ ଉପସ୍ଥିତ ରହିବେ । କୋରୋନା ସଂକ୍ରମଣ ମାମଲାକୁ ଦୃଷ୍ଟିରେ ରଖି ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ନିର୍ବାଚନ ପ୍ରଚାରରେ ଗାଇଡଲାଇନ ମାନିବାକୁ କୋଲକାତା ହାଇକୋର୍ଟ ମଙ୍ଗଳବାର ନିର୍ଦ୍ଦେଶ ଦେଇଛନ୍ତି ।
ବାକି ଥିବା ନିର୍ବାଚନ ପାଇଁ ସବି ବଡ ରାଲିକୁ ବାତିଲ କରାଯାଇଛି । ଛୋଟ ଦଳ ସହିତ ଡୋର ଟୁ ଡୋର ପ୍ରଚାର କରିବାକୁ ଅନୁମତି ମିଳିଛି । କେବଳ ଛୋଟ ରାଲି କରି ଦଳୀୟ ପ୍ରର୍ଥୀଙ୍କ ପାଇଁ ଭୋଟ ମାଗିବୁ ବୋଲି କହିଛନ୍ତି ସିପିଆଇ ଏମର ସଦ୍ୟସ ଏମଡି ସଲିମ । ସେ ଆହୁରି କହିଛନ୍ତି ଉଭୟ ରାଜ୍ୟ ଓ କେନ୍ଦ୍ର ସରକାର କୋରୋନା ସ୍ଥିତି ଲୋକଙ୍କ ସୁରକ୍ଷାକୁ ଗୁରୁତ୍ବ ଦେଇଛନ୍ତି । କୋରୋନା ନିୟମକୁ ନେଇ ରାଜନୀତି ନ କରାଯାଉ ବୋଲି କହିଛନ୍ତି ସିପିଆଇ ଏମର ସଦ୍ୟସ ଏମଡି ସଲିମ । ଚତୁର୍ଥ ପର୍ଯ୍ୟାୟ ନିର୍ବାଚନ ପାଇଁ ପ୍ରଚାର ଶେଷ ହୋଇଛି । ଏପ୍ରିସ 17ରେ ଭୋଟ ଗ୍ରହଣ ହେବ ।
ବ୍ୟୁରୋ ରିପୋର୍ଟ,ଇଟିଭି ଭାରତ
