ନୂଆଦିଲ୍ଲୀ: କୋଭିଡ୍କୁ ନେଇ ଆଜି ବସିଥିବା ସର୍ବଦଳୀୟ ବୈଠକ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବଡ ଘୋଷଣା । କିଛି ସପ୍ତାହ ପରେ ଟୀକା ଉପଲବ୍ଧ ହେବା ନେଇ କହିଲେ ମୋଦି । ବୈଜ୍ଞାନିକଙ୍କ ସବୁଜ ସଙ୍କେତ ମିଳିବା ମାତ୍ରେ ଟୀକାକରଣ ଅଭିଯାନ ଆରମ୍ଭ ହେବ ବୋଲି ଦର୍ଶାଇଲେ ପ୍ରଧାନମନ୍ତ୍ରୀ ।
ସର୍ବଦଳୀୟ ବୈଠକ ପରେ ପ୍ରଧାନମନ୍ତ୍ରୀ ମୋଦି ଦେଶବାସୀଙ୍କୁ ସମ୍ବୋଧନ କରିଛନ୍ତି । ସାରା ବିଶ୍ବରେ ଅନେକ ଟୀକାର ନାଁ ଶୁଣିବାକୁ ମିଳୁଛି । କିନ୍ତୁ ସଭିଁଙ୍କ ନଜର ଏକ କମ ମୂଲ୍ୟ ଓ ସୁରକ୍ଷିତ ଟୀକା ଉପରେ ରହିଛି । ତେଣୁ ଭାରତ ଉପରେ ସଭିଁଙ୍କ ଆଶା ରହିଥିବା କହିଲେ ମୋଦି ।
ସେହିପରି 8 ଟି ସମ୍ଭାବିତ ଟୀକା ଟ୍ରାଏଲର ଭିନ୍ନ ଭିନ୍ନ ପର୍ଯ୍ୟାୟରେ ଅଛି । ଯାହାର ଉତ୍ପାଦନ ଭାରତରେ ମଧ୍ୟ ହେବ । ଭାରତ ପାଖରେ ନିଜର 3 ଟୀକା ମଧ୍ୟ ଟ୍ରାଏଲ ହେଉଛି । ଟୀକା ପାଇଁ ବେଶୀ ଅପେକ୍ଷା କରିବାକୁ ପଡିବ ନାହିଁ ବୋଲି ବିଶେଷଜ୍ଞଙ୍କ ମତ ଦେଇଥିବା ପ୍ରଧାନମନ୍ତ୍ରୀ କହିଛନ୍ତି ।
କୋଭିଡ୍କୁ ନେଇ ଆଜି ଅନଲାଇନରେ ସର୍ବଦଳୀୟ ବୈଠକ ବସିଥିଲା । ଯେଉଁଥିରେ ବିଭିନ୍ନ ଦଳର ନେତାମାନେ ଉପସ୍ଥିତ ଥିଲେ ।
