ଡେରାଡୁନ: ଭୂସ୍ଖଳନ ଯୋଗୁଁ ଗଲା 2 ଜୀବନ । ଏଭଳି ଘଟଣା ଘଟିଛି ଉତ୍ତରାଖଣ୍ତର ଗାଙ୍ଗୋଲିହାଟ ଅଞ୍ଚଳରେ। ମୃତକ ଜଣକ ଶ୍ରମିକ ଶ୍ରେଣୀର ହୋଇଥିବା ବେଳେ ତାଙ୍କ ନାଁ ଦଫେଦାର ସିଂ ବୋଲି ଜଣାପଡିଛି । ଦଫେଦାର ଉତ୍ତରପ୍ରଦେଶର ହୋଇଥିବା ଜଣାପଡିଛି ।
ସୂଚନା ଅନୁସାରେ, ଦଫେଦାର ରାସ୍ତାରେ ଠିଆ ହୋଇଥିବା ବେଳେ ଅଧିକ ବର୍ଷା ହେତୁ ପାହାଡରୁ ଖସିପଡିଥିଲା ପଥର ଖଣ୍ତ । ଫଳରେ ତାଙ୍କ ପେଟ ଓ ମୁଣ୍ତରେ ଗଭୀର ଆଘାତ ଲାଗିଥିଲା । ତାଙ୍କୁ ମେଡିକାଲ ନେବା ବାଟରେ ତାଙ୍କର ମୃତ୍ୟୁ ହୋଇଥିଲା । ସେହିପରି, ଘାଟବିଜ୍ର ଅଞ୍ଚଳରେ ଜଣେ ଟ୍ରକ ମାଲିକ ନିଜ ଟ୍ରକ ପାଖରେ ଠିଆ ହୋଇଥିବା ସମୟରେ ପଥର ଖସିପଡିଥିଲା । ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା । ମୃତକ ହେଉଛନ୍ତି 55 ବର୍ଷିୟ ଖଲିଲ ଅହେମ୍ମଦ ବୋଲି ଜଣାପଡିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
