ଡେରାଡୁନ: ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ ବିବାଦ ଘେରକୁ ଆସିଛନ୍ତି ତୀରଥ ସିଂହ ରାୱତ । ଏବେ ମହିଳାଙ୍କ ଫଟା ଜିନ୍ସ ଉପରେ ଦେଇଥିବା ଟିପ୍ପଣୀକୁ ନେଇ ତାତି ଥମି ନଥିବା ବେଳେ ସିଏମ ତୀରଥ ସିଂହଙ୍କ ଆଉ ଏକ ବୟାନ ଛିଡା କରିଛି ବଡ ବିବାଦ ।
ମିଡିଆରେ ଭାଇରଲା ହେଉଛି ତୀରଥ ସିଂହଙ୍କ ଏକ ଭିଡିଓ । ଏଥିରେ ଝିଅଙ୍କ ସର୍ଟ୍ସ ପିନ୍ଧିବା ଉପରେ ଟିପ୍ପଣୀ କରିଛନ୍ତି ତୀରଥ ସିଂହ । ଏହି ବୟାନକୁ ନେଇ ଟାର୍ଗେଟକୁ ଆସିଛନ୍ତି ତୀରଥ ସିଂହ ।
ଭିଡିଓରେ ତୀରଥ ସିଂହ ନିଜ କଲେଜ ସମୟରେ ଏକ କାହାଣୀ କହି ଝିଅଙ୍କ ସର୍ଟ୍ସ ପିନ୍ଧିବା ଉପରେ ଟିପ୍ପଣୀ କରିଛନ୍ତି । ଘଟଣା ପରେ ମୁଖ୍ୟମନ୍ତ୍ରୀଙ୍କ ଏଭଳି ବୟାନକୁ ସମାଲୋଚନା କରାଯାଉଛି ।
