ଗଡକରୀଙ୍କ କାର୍ଯ୍ୟାଳୟକୁ ଚାନ୍ଦା ମାଗିବା ସହ ହତ୍ୟା ଧମକ

ନାଗପୁରରେ କେନ୍ଦ୍ର ସଡକ ପରିବହନ ମନ୍ତ୍ରୀ ନୀତିନ ଗଡକରୀଙ୍କ କାର୍ଯ୍ୟାଳୟକୁ ଫୋନ କରି ଚାନ୍ଦା ମାଗିବା ସହ ହତ୍ୟା ଧମକ ଦେଲେ ଦୁର୍ବୃତ୍ତ । ବଢିଲା ଗଡକରୀଙ୍କ ସୁରକ୍ଷା ବ୍ୟବସ୍ଥା । ଅଧିକ ପଢନ୍ତୁ

ହାଇଦ୍ରାବାଦ: କେନ୍ଦ୍ର ସଡକ ପରିବହନମନ୍ତ୍ରୀ ନୀତିନ ଗଡକାରୀଙ୍କ କାର୍ଯ୍ୟାଳୟକୁ ଧମକ । ଗଡକରୀଙ୍କ ନିଜ ସଂସଦୀୟ କ୍ଷେତ୍ର ନାଗପୁରରେ ଥିବା କାର୍ଯ୍ୟାଳୟକୁ ଏକାଧିକ ଫୋନ କଲ ମାଧ୍ୟମରେ ଚାନ୍ଦା ମଗାଯିବା ସହ ହତ୍ୟା ଧମକ ମିଳିଛି । ଏନେଇ ନାଗପୁର ପୋଲିସ ଅଭିଯୋଗ ପାଇବା ପରେ କାର୍ଯ୍ୟାନୁଷ୍ଠାନ ଆରମ୍ଭ କରିଛି । କାର୍ଯ୍ୟାଳୟ ସମେତ ଗଡକାରୀଙ୍କ ସୁରକ୍ଷାକୁ ବଢାଯାଇଛି । ପୋଲିସ ସୂଚନା ଅନୁସାରେ ପ୍ରଥମ କଲ 11.30ରେ ଆସିଥିବା ବେଳେ ଦ୍ବିତୀୟ କଲ 11.40ରେ ଆସିଛି । ପରେ ଅନ୍ୟ ଏକ କଲ ମଧ୍ୟ ଆସିଛି । ଏହି ନମ୍ବର ସଂଗ୍ରହ କରାଯାଇ କଲ ରେକର୍ଡ ଡିଟେଲ୍ସ ଯାଞ୍ଚ ଜାରି ରହିଛି । ସାଇବର ସେଲ ଏହି ନମ୍ବରଗୁଡିକ ସମ୍ପର୍କରେ ଅଧିକ ସୂଚନା ସଂଗ୍ରହ କରିବା ପ୍ରକ୍ରିୟା ଜାରି ରଖିଛନ୍ତି ।

• Maharashtra | Union Minister Nitin Gadkari's office in Nagpur received two threatening calls at 11.30 am and 11.40 am. Further investigation is going on: Nagpur Police

  — ANI (@ANI) January 14, 2023 " class="align-text-top noRightClick twitterSection" data="

  Maharashtra | Union Minister Nitin Gadkari's office in Nagpur received two threatening calls at 11.30 am and 11.40 am. Further investigation is going on: Nagpur Police

  — ANI (@ANI) January 14, 2023

  ">

  Maharashtra | Union Minister Nitin Gadkari's office in Nagpur received two threatening calls at 11.30 am and 11.40 am. Further investigation is going on: Nagpur Police

  — ANI (@ANI) January 14, 2023

ନାଗପୁର ଡିସିପି ରାହୁଲ ମାଡାନେ ଘଟଣା ସମ୍ପର୍କରେ ସୂଚନା ଦେଇ କହିଛନ୍ତି, ‘‘ଅଭିଯୋଗ ମିଳିବା ପରେ ପୋଲିସ କାର୍ଯ୍ୟାନୁଷ୍ଠାନ ଆରମ୍ଭ ହୋଇସାରିଛି । ଏହି ଘଟଣାର ତଦନ୍ତ କ୍ରାଇମବ୍ରାଞ୍ଚକୁ ଦିଆଯାଇଛି । ମନ୍ତ୍ରୀଙ୍କ କାର୍ଯ୍ୟାଳୟରେ ସୁରକ୍ଷା ବ୍ୟବସ୍ଥା ବଢାଯିବା ସହ ତାଙ୍କ ସରକାରୀ କାର୍ଯ୍ୟକ୍ରମ ଓ ଗସ୍ତରେ ମଧ୍ୟ ପୋଲିସ ସୁରକ୍ଷା ବ୍ୟବସ୍ଥା ବଢାଯିବ । ଏହି ମାମଲାରେ ତଦନ୍ତ ଜାରି ରହିଛି ।’’

ଖବର ଅନୁଯାୟୀ, କଲ୍ କରୁଥିବା ଅଭିଯୁକ୍ତମାନେ ପ୍ରଥମେ ଚାନ୍ଦା ମାଗିଥିଲେ ଓ ପରେ ହତ୍ୟା କରିବାକୁ ଧମକ ଦେଇଥିଲେ । ଏକାଧିକ କଲ ଆସିବା ପରେ ତୁରନ୍ତ ଗଡକାରୀଙ୍କ କାର୍ଯ୍ୟାଳୟ ପୋଲିସକୁ ଅବଗତ କରିଥିଲା । ପୋଲିସ ଟମ୍‌ କାର୍ଯ୍ୟାଳୟରେ ପହଞ୍ଚି କଲ ରେକର୍ଡ ସହ ଅନ୍ୟ ସୂଚନା ସଂଗ୍ରହ କରିଛି । ନାଗପୁର ପୋଲିସ ଗଡକରୀଙ୍କ ବାସଭବନ ଏବଂ କାର୍ଯ୍ୟାଳୟରେ ସୁରକ୍ଷା ବୃଦ୍ଧି କରିଛି ।’’

ସମାନ ଢଙ୍ଗରେ ଡିସେମ୍ବର 31ରେ ନାଗପୁରରେ ଥିବା ସ୍ବଂୟ ସେବକ ସଂଘର ମୁଖ୍ୟାଳୟକୁ ଧମକପୂର୍ଣ୍ଣ କଲ ଆସିଥିଲା । ଏଥିରେ ଜଣେ ବ୍ୟକ୍ତି ଫୋନ କରି ସଙ୍ଘ ମୁଖ୍ୟାଳୟରେ ବିସ୍ଫୋରଣ କରିବାକୁ ଧମକ ଦେଇଥିଲା । ତେବେ ପୋଲିସ ଓ ବୋମା ନିଷ୍କ୍ରୀୟକାରୀ ଟିମ୍ ସଂଘ ମୁଖ୍ୟାଳୟରେ ପହଞ୍ଚିଥିଲେ । ଏକାଧିକ ଘଣ୍ଟା ସର୍ଚ୍ଚ ଅପରେସନ କରିବା ପରେ ବିସ୍ଫୋରକ କିମ୍ବା ଅନ୍ୟ କୌଣସି ସନ୍ଦିଗ୍ଧ ସାମଗ୍ରୀ ଠାବ ହୋଇନଥିଲା । ଯେଉଁ ଘଟଣାର ତଦନ୍ତ ଏବେ ମଧ୍ୟ ଜାରି ରହିଛି । କେନ୍ଦ୍ର ସଡକ ପରିବହନ ମନ୍ତ୍ରୀ ଗଡକରୀ ଏବେ ମକର ସଂକ୍ରାନ୍ତି ପାଳନ ପାଇଁ ନିଜ ସଂସଦୀୟ କ୍ଷେତ୍ର ନାଗପୁର ଗସ୍ତରେ ଅଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ