କୋଟାକ ମହିନ୍ଦ୍ରା ବ୍ୟାଙ୍କ ମୁଖ୍ୟ ଉଦୟ କୋଟାକଙ୍କ ଇସ୍ତଫା

ଇସ୍ତଫା ଦେଲେ କୋଟାକ ମହିନ୍ଦ୍ରା ବ୍ୟାଙ୍କ ମୁଖ୍ୟ ଉଦୟ କୋଟାକ । ଡିସେମ୍ବରରେ ସରିଥାନ୍ତା କାର୍ଯ୍ୟକାଳ । ଅଧିକ ପଢନ୍ତୁ

ନୂଆଦିଲ୍ଲୀ: କୋଟାକ ମହିନ୍ଦ୍ରା ବ୍ୟାଙ୍କର ପରିଚାଳନା ନିର୍ଦ୍ଦେଶକ ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଉଦୟ କୋଟାକ ନିଜ ପଦରୁ ଇସ୍ତଫା ଦେଇଛନ୍ତି । ସେ ବ୍ୟାଙ୍କର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଓ ପରିଚାଳନା ନିର୍ଦ୍ଦେଶକ ଭାବେ ଦାୟିତ୍ବରେ ଥିଲେ। ସେ ଗତକାଲି ତାଙ୍କ ଇସ୍ତଫାପତ୍ର ବ୍ୟାଙ୍କର ବୋର୍ଡ ଅଫ ଡିରେକ୍ଟର୍ସ ଅଧ୍ୟକ୍ଷ ପ୍ରକାଶ ଆପଟେଙ୍କ ନିକଟକୁ ପଠାଇ ଦେଇଥିବା ଜଣାପଡିଛି । ତାଙ୍କର କାର୍ଯ୍ୟକାଳ ଚଳିତ ଡିସେମ୍ବରରେ ଶେଷ ହେବାର ଥିଲା । ନିଜର ଅବସରର ପ୍ରାୟ 4 ମାସ ପୂର୍ବରୁ ସେ ପଦ ଛାଡିଛନ୍ତି । ସେ ଏବେ ଜଣେ ନନ-ଏକ୍ସିକ୍ଯୁଟିଭ୍‌ ନିର୍ଦ୍ଦେଶକ ଭାବେ ବ୍ୟାଙ୍କ ସହ ଜଡିତ ରହିବେ । ନିଜ ଇସ୍ତଫା ସ ମ୍ପର୍କରେ ସେ ଆଜି ନିଜେ ଏକ୍ସ ରେ ଟ୍ବିଟ କରି ସୂଚନା ଦେଇଛନ୍ତି ।

• Succession at Kotak Mahindra Bank has been foremost on my mind, since our Chairman, myself and Joint MD are all required to step down by year end. I am keen to ensure smooth transition by sequencing these departures. I initiate this process now and step down voluntarily as CEO.…

  — Uday Kotak (@udaykotak) September 2, 2023 " class="align-text-top noRightClick twitterSection" data="

  Succession at Kotak Mahindra Bank has been foremost on my mind, since our Chairman, myself and Joint MD are all required to step down by year end. I am keen to ensure smooth transition by sequencing these departures. I initiate this process now and step down voluntarily as CEO.…

  — Uday Kotak (@udaykotak) September 2, 2023

  ">

  Succession at Kotak Mahindra Bank has been foremost on my mind, since our Chairman, myself and Joint MD are all required to step down by year end. I am keen to ensure smooth transition by sequencing these departures. I initiate this process now and step down voluntarily as CEO.…

  — Uday Kotak (@udaykotak) September 2, 2023

ବୋର୍ଡ ଅଫ ଡିରେକ୍ଟରର ଅଧ୍ୟକ୍ଷ ପ୍ରକାଶ ଆପଟେଙ୍କୁ ଲେଖିଥିବା ଇସ୍ତଫାପତ୍ରରେ ଉଦୟ ଲେଖିଛନ୍ତି, ତାଙ୍କର କାର୍ଯ୍ୟକାଳ ଶେଷ ହେବା ପାଇଁ ଆଉ କିଛି ମାସ ଥିବା ବେଳେ ସେ ଏବେ ଇସ୍ତଫା ଦେବା ଉଚିତ ବୋଲି ବିଚାର କରିଛନ୍ତି । ଏହି ନିଷ୍ପତ୍ତିକୁ ସେ ବିଶ୍ଳେଷଣ ମଧ୍ୟ କରିଛନ୍ତି । ସେ ଏବେ ଏହା କରିବା ଉଚିତ ବୋଲି ଅନୁଭବ କରିବା ପରେ ଇସ୍ତଫା ନିଷ୍ପତ୍ତି ଗ୍ରହଣ କରିଛନ୍ତି ।

ସେ ଆହୁରି ମଧ୍ୟ କହିଛନ୍ତି, କୋଟାକ୍ ମହିନ୍ଦ୍ରା ବ୍ୟାଙ୍କରେ ଉତ୍ତରାଧିକାରୀ ପ୍ରସଙ୍ଗ ତାଙ୍କ ମନରେ ସର୍ବପ୍ରଥମରୁ ରହି ଆସିଛି । ଚଳିତ ବର୍ଷ (2024) ଶେଷ ସୁଦ୍ଧା ବ୍ୟାଙ୍କ ବୋର୍ଡ ଅଫ ଡିରେକ୍ଟରର ଅଧ୍ୟକ୍ଷ, ସେ ଏବଂ ଯୁଗ୍ମ ପରିଚାଳନା ନିର୍ଦ୍ଦେଶକ ମଧ୍ୟ ଅବସର ଗ୍ରହଣ କରିବାକୁ ଯାଉଛନ୍ତି । ତେଣୁ ଏହି କ୍ରମରେ ସେ ପ୍ରଥମେ ସ୍ବେଚ୍ଛାକୃତ ଭାବରେ ଇସ୍ତଫା ଦେଇଥିବା କହିଛନ୍ତି ।

ଉଦୟ କୋଟାଙ୍କର କାର୍ଯ୍ୟକାଳ ଚଳିତ ବର୍ଷ ଡିସେମ୍ବର 31ରେ ଶେଷ ହେବାର ଥିଲା । ହେଲେ ସେ ନିଜ ଅବସରର 4 ମାସ ପୂର୍ବରୁ ବ୍ୟାଙ୍କର ସର୍ବୋଚ୍ଚ ପଦରୁ ଇସ୍ତଫା ଦେଇଛନ୍ତି । ତାଙ୍କ ସ୍ଥାନରେ ଏବେ ଯୁଗ୍ମ ନିର୍ଦ୍ଦେଶକ ଦୀପକ ଗୁପ୍ତା ବର୍ଷ ଶେଷ ଯାଏ କାର୍ଯ୍ୟଭାର ସମ୍ଭାଳିବା ନେଇ ବ୍ୟାଙ୍କ ସୂତ୍ରରୁ ସୂଚନା ମିଳିଛି । ଏହା ପରେ ଆସନ୍ତାବର୍ଷ ଜାନୁଆରୀ ପହିଲା ସୁଦ୍ଧା ନୂଆ ପରିଚାଳନା ନିର୍ଦ୍ଦେଶକ ଓ ମୁଖ୍ଯ କାର୍ଯ୍ୟନିର୍ବାହୀ ଅଧିକାରୀ ଚୟନ ପ୍ରକ୍ରିୟା ଚୂଡାନ୍ତ କରିବ ବ୍ୟାଙ୍କ ।

ବ୍ୟୁରୋ ରିପୋର୍ଟ, ଇଟିଭି ଭାରତ