ମୁମ୍ବାଇ: ମହାରାଷ୍ଟ୍ରରେ ନବରାତ୍ରିରେ ଦୁଃଖଦ ଘଟଣା ଦେଖିବାକୁ ମିଳିଛି । ନବରାତ୍ରିରେ ଗରବା ଖେଳି ଦୁଇ ଜଣ ଯୁବକଙ୍କ ମୃତ୍ୟୁ ହୋଇଛି(two young man died During Garba dance) । ଜଣେ ଯୁବକଙ୍କ ମୃତ୍ୟୁର ଖବର ଶୁଣି ତାଙ୍କ ବାପାଙ୍କର ମଧ୍ୟ ମୃତ୍ୟୁ ହୋଇଛି । ପାଲଘର ଜିଲ୍ଲାର ପଶ୍ଚିମ ବିରାରା ଅଞ୍ଚଳରେ ମନୀଷ ନରପାତ ଜୈନ ନାମକ ଯୁବକ ନିଜ ପରିବାର ସହ ବାସ କରୁଥିଲେ । ଗତ ରବିବାର ସେ ନବରାତ୍ରିରେ ଗରବା କରିବାକୁ ବିଲ୍ଡିଂ ତଳକୁ ଯାଇଥିଲେ । ତେବେ ଗର୍ବା କରୁଥିବା ବେଳେ ସେ ହୃଦଘାତର ଶିକାର ହୋଇଥିଲେ ।
ତୁରନ୍ତ ତାଙ୍କୁ ସ୍ଥାନୀୟ ସଞ୍ଜୀବନୀ ହସ୍ପିଟାଲ୍କୁ ନିଆଯାଇଥିଲା । ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସେପଟେ ପୁଅର ମୃତ୍ୟୁର ଖବର ଶୁଣିବା କ୍ଷଣି ହସ୍ପିଟାଲ୍ରେ ହିଁ ଟଳି ପଡ଼ିଥିଲେ ଯୁବକଙ୍କ ବାପା । ଏହାପରେ ତାଙ୍କୁ ମଧ୍ୟ ଡାକ୍ତର ମୃତ ଘୋଷଣା କିରଛନ୍ତି (father passes away after hearing son's death news) । ନବରାତ୍ରିରେ ଗୋଟିଏ ଘରେ ବାପପୁଅଙ୍କ ମୃତ୍ୟୁ ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
ଏହା ବି ପଢ଼ନ୍ତୁ ଗରବା ନୃତ୍ୟବେଳେ ଟଳି ପଡିଲେ ଯୁବକ, ଦେଖନ୍ତୁ ଭିଡିଓ
ସେପଟେ ମହାରାଷ୍ଟ୍ରର ମୁଳୁନ୍ଦ ଅଞ୍ଚଳରେ ମଧ୍ୟ ଜଣେ ଯୁବକ ଗର୍ବା କରୁଥିବା ବେଳେ ମୃତ୍ୟୁବରଣ କରିଛନ୍ତି । ଏଠାରେ ବିଜେପି ପକ୍ଷରୁ କାଳୀଦାସ ଥିଏଟରରେ ପ୍ରେରଣା ରାସ ଦାଣ୍ଡିଆ ନୃତ୍ୟ ଆୟୋଜନ କରାଯାଇଥିଲା । ଋଷଭ ଲାହାରି ମାଙ୍ଗେ ନାମକ ଯୁବକ ଏଥିରେ ଅଂଶ ଗ୍ରହଣ କରିଥିଲେ । ତେବେ ନୃତ୍ୟ କରୁଥିବା ସମୟରେ ସେ ଛାତିରେ ଯନ୍ତ୍ରଣା ଅନୁଭବ କରିଥିଲେ । ଏହି ସମୟରେ ଉପସ୍ଥିତ ପରିବାରବର୍ଗ ବଦହଜମି ସନ୍ଦେହ କରି ତାଙ୍କୁ ଥଣ୍ଡାପାନୀୟ ପିଇବାକୁ ଦେଇଥିଲେ ।
ଏହାପରେ ମଧ୍ୟ ତାଙ୍କ ଛାତିରେ ଯନ୍ତ୍ରଣା କମିନଥିଲା । ଓଲଟା ବଢ଼ିବାରେ ଲାଗିଲା, ଏହାପରେ ତୁରନ୍ତ ପରିବାର ବର୍ଗ ତାଙ୍କୁ ସ୍ଥାନୀୟ ଅଦିତି ହସ୍ପିଟାଲ୍କୁ ନେଇ ଯାଇଥିଲେ । ତେବେ ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ପୋଲିସ ଉଭୟ ମାମଲାରେ ଦୁଇଟି ଅପମୃତ୍ୟୁ ମାମଲା ରୁଜୁ କରିଛି । ତିନିଜଣଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି ପୋଲିସ ।
