ମୁମ୍ବାଇ: ମୃତ୍ୟୁ କେତେବେଳେ କାହାକୁ ଯେ କୋଳେଇ ନିଏ ତାହା କଳ୍ପନା ବାହାରେ । ଜାତି, ସମ୍ମାନ, ଦାନ ବା ଧର୍ମ ଦେଖେନି ମୃତ୍ୟୁ । ନିୟତିର ନିୟମ ମୁତାବକ ସେ ଟାଣି ନିଏ ନିଜ ପାଖକୁ । ମହାରାଷ୍ଟ୍ରର ରାଜଧାନୀ ମୁମ୍ବାଇର ସି ଲିଙ୍କ୍ ରୋଡ୍ରେ ଏଭଳି ହିଁ ଏକ ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି ।
ମୁ୍ମ୍ବାଇରେ ଦୁଃଖଦ ଘଟଣା: ପକ୍ଷୀ ଜୀବନ ବଞ୍ଚାଉ ବଞ୍ଚାଉ ଚାଲିଗଲା ନିଜ ଜୀବନ
ଜଣେ ବ୍ୟକ୍ତି କାର୍ରୁ ଓହ୍ଲାଇ ନିଜ ଡ୍ରାଇଭରଙ୍କ ସହ ସି ଲିଙ୍କ୍ ରୋଡ୍ରେ ପଡ଼ି ରହିଥିବା ଏକ ଆହତ ପକ୍ଷୀକୁ ଉଦ୍ଧାର କରୁଥିଲେ । ଏହି ସମୟରେ ଏକ ଦ୍ରୁତଗାମୀ ଟାକ୍ସି ଉଭୟଙ୍କୁ ପଛପଟୁ ପିଟି ଦେଇଥିଲା । ଏହି ଦୁର୍ଘଟଣାରେ ଉଭୟଙ୍କ ମୃତ୍ୟୁ ହୋଇଛି ।
କାର୍ ମାଲିକ ଅମର ମନୀଷ ଜରିୱାଲାଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା । ତେବେ ଡ୍ରାଇଭର ଗୁରୁତର ଅବସ୍ଥାରେ ସ୍ଥାନୀୟ ମେଡିକାଲରେ ଚିକିତ୍ସିତ ହେଉଥିବା ବେଳେ ଶୁକ୍ରବାର ତାଙ୍କର ମଧ୍ୟ ମୃତ୍ୟୁ ହୋଇଛି । ଏହି ଦୁଃଖଦ ଦୁର୍ଘଟଣାର ସମସ୍ତ ଦୃଶ୍ୟ ସିସିଟିଭିରେ କଏଦ ହୋଇଛି ।
