ରାଞ୍ଚି: ଦେଓଘର ବିମାନ ବନ୍ଦରର ଏଟିସି(ATC) ମଧ୍ୟକୁ ପ୍ରବେଶ ଘଟଣାକୁ ନେଇ ଟ୍ବିଟର ୱାର୍ । ଟ୍ବିଟରରେ ମୁହାଁମୁହିଁ ହେଲେ ସାଂସଦ ନିଶିକାନ୍ତ ଦୁବେ ଏବଂ ଡେପୁଟି କମିଶନର(DC) ମଞ୍ଜୁନାଥ ଭଜନ୍ତ୍ରୀ । ଦେଓଘର ବିମାନ ବନ୍ଦରରେ ସୁରକ୍ଷା ନିୟମକୁ ଉଲ୍ଲଙ୍ଘନ କରି କର୍ମଚାରୀଙ୍କୁ ରାତିରେ ବିମାନ ଉଡାଣ ପାଇଁ ଚାପ ପକାଇବାକୁ ନେଇ ଗୋଡ୍ଡା ବିଜେପି ସାଂସଦ ନିଶିକାନ୍ତ ଦୁବେ, ମନୋଜ ତିୱାରୀଙ୍କ ସମେତ ୯ ଜଣଙ୍କ ନାଁରେ ମାମଲା ରୁଜୁ ହେବାର ଦିନକ ପରେ ସାଂସଦ ଓ ଡିସିଙ୍କ ମଧ୍ୟରେ ଟ୍ବିଟର ୱାର୍ ହୋଇଛି । ନିୟମ ଉଲ୍ଲଙ୍ଘନ କରି ଏଟିସି ମଧ୍ୟକୁ ପ୍ରବେଶ କରିବା ଘଟଣାରେ ଡିସି କରିଥିବା ଟ୍ବିଟ୍ ଉପରେ ପ୍ରତିକ୍ରିୟା କରିଛନ୍ତ ସାଂସଦ । ସାଂସଦ ନିଶିକାନ୍ତ ଦୁବେ ଡିସିଙ୍କୁ କଟାକ୍ଷ କରି ଲେଖିଛନ୍ତି, ଆପଣ ଜାଣନ୍ତି କି ଏୟାରପୋର୍ଟରେ ଏଟିସି ଟାୱର ସୁରକ୍ଷା ଏବେ DGCA ଏବଂ BCAS ନୁହଁନ୍ତି ବରଂ ଡେପୁଟି କମିଶନର କରୁଛନ୍ତି ବୋଲି ?
-
क्या आपको पता है कि एयरपोर्ट पर ATC टॉवर की सुरक्षा अब DGCA और BCAS नहीं करता है ,अब इसकी सुरक्षा संबंधित एयरपोर्ट के ज़िला उपायुक्त करते हैं? ऐसे ही जानकारी के लिए पूछ लिया,इसकी शिक्षा मुझे कुछ बुझे,कुछ जले,कुछ टिमटिमा रहे,कुछ बिलबिला रहे बुद्धिजीवियों व पत्रकारों से मिली
— Dr Nishikant Dubey (@nishikant_dubey) September 3, 2022 " class="align-text-top noRightClick twitterSection" data="
">क्या आपको पता है कि एयरपोर्ट पर ATC टॉवर की सुरक्षा अब DGCA और BCAS नहीं करता है ,अब इसकी सुरक्षा संबंधित एयरपोर्ट के ज़िला उपायुक्त करते हैं? ऐसे ही जानकारी के लिए पूछ लिया,इसकी शिक्षा मुझे कुछ बुझे,कुछ जले,कुछ टिमटिमा रहे,कुछ बिलबिला रहे बुद्धिजीवियों व पत्रकारों से मिली
— Dr Nishikant Dubey (@nishikant_dubey) September 3, 2022क्या आपको पता है कि एयरपोर्ट पर ATC टॉवर की सुरक्षा अब DGCA और BCAS नहीं करता है ,अब इसकी सुरक्षा संबंधित एयरपोर्ट के ज़िला उपायुक्त करते हैं? ऐसे ही जानकारी के लिए पूछ लिया,इसकी शिक्षा मुझे कुछ बुझे,कुछ जले,कुछ टिमटिमा रहे,कुछ बिलबिला रहे बुद्धिजीवियों व पत्रकारों से मिली
— Dr Nishikant Dubey (@nishikant_dubey) September 3, 2022
ସୂଚନା ମୁତାବକ, ଅଗଷ୍ଟ ୩୧ ସନ୍ଧ୍ୟାରେ ଏହି ବିବାଦର ସୂତ୍ରପାତ ହୋଇଥିଲା । ସେଦିନ ଗୋଡ୍ଡାର ସାଂସଦ ନିଶିକାନ୍ତ ଦୁବେ, ତାଙ୍କର ଦୁଇ ପୁଅଙ୍କ ସମେତ ସାଂସଦ ମନୋଜ ତିୱାରୀ, କପିଲ ମିଶ୍ରା ଦୁମକା ପୀଡିତାଙ୍କ ପରିବାରକୁ ଭେଟିବାକୁ ଚାଟାର୍ଡ ପ୍ଲେନ ଯୋଗେ ଯାଇଥିଲେ । ପୀଡିତାଙ୍କୁ ଭେଟିବା ପରେ ଏହି ପ୍ରତିନିଧି ଦଳ ସନ୍ଧ୍ୟାରେ ବିମାନ ବନ୍ଦରରେ ପହଞ୍ଚି ଚାଟାର୍ଡ ପ୍ଲେନରେ ବସିଥିଲେ । ତେବେ ଏହି ସମୟରେ ବିମାନ ବନ୍ଦର ଏଟିସି ପ୍ଲେନକୁ ଉଡାଣ ଭରିବାକୁ ଅନୁମତି ଦେଇଥିଲେ । ଏହାପରେ ସାଂସଦ ଓ ବିଜେପି ନେତା ହାଇ ସିକ୍ୟୁରିଟି ଏୟାର ଟ୍ରାଫିକ କଣ୍ଟ୍ରୋଲ(ଏଟିସି) ମଧ୍ୟକୁ ପ୍ରବେଶ କରି ବିମାନ ଉଡାଣ ପାଇଁ କ୍ଲିୟରାନ୍ସ ଦେବାକୁ ଚାପ ପକାଇଥିଲେ । ବିମାନ ବନ୍ଦର ଡିଏସପି ସୁମନ ଆନନଙ୍କ ଅଭିଯୋଗ ଆଧାରରେ ପାଇଲଟ ଏବଂ ବିମାନ ବନ୍ଦର ନିର୍ଦ୍ଦେଶକଙ୍କ ସମେତ ଏହି ୯ ଜଣଙ୍କ ବିରୁଦ୍ଧରେ ମାମଲା ରୁଜୁ ହୋଇଥିଲା ।
ଦେବଘର ଡିସି ମଞ୍ଜୁନାଥ ଭଜନ୍ତ୍ରୀ ବିଜେପି ସାଂସଦ ଓ ନେତାଙ୍କ ଉପରେ ବଳପୂର୍ବକ ATC ବିଲ୍ଡିଂରେ ପ୍ରବେଶ ନେଇ ଅଭିଯୋଗ କରିବା ପରେ ନିଶିକାନ୍ତ ଦୁବେ ଦିଲ୍ଲୀରେ ଡିସିଙ୍କ ବିରୁଦ୍ଧରେ ମାମଲା ରୁଜୁ କରିଥିଲେ । ଏହି ଘଟଣା ପରେ ଉଭୟ ସାଂସଦ ଓ ଡିସି ସୋସିଆଲ ମିଡିଆରେ ମୁହାଁମୁହିଁ ହୋଇଛନ୍ତି । ଦୁହେଁ ପରସ୍ପରକୁ ଟାର୍ଗେଟ କରି ଟ୍ବିଟ୍ କରିଛନ୍ତି । ସାଂସଦ ଡିସିଙ୍କୁ ଉଦ୍ଦେଶ୍ୟରେ କହିଛନ୍ତି, ''ବିନା ଅନୁମତିରେ ଜବରଦସ୍ତି ସୁରକ୍ଷା ବଳୟ ଭାଙ୍ଗି ପ୍ରବେଶ କରିବା ଅପରାଧିର ଅନ୍ଦାଜ ଅଟେ । ଆପଣ କେଉଁ ହିସାବରେ ବିମାନ ବନ୍ଦରରେ ପ୍ରବେଶ କଲେ ଏବଂ କିଏ ଆପଣଙ୍କୁ ସିସିଟିଭି ଦେଖିବା ପାଇଁ ଅନୁମତି ଦେଲା ?''
ଏହାର ଜବାବରେ ଡେପୁଟି କମିଶନର କହିଛନ୍ତି, ସେ ଏୟାରପୋର୍ଟ ଟର୍ମିନାଲରେ ଏଣ୍ଟ୍ରି ପାସ୍ ନେଇ ଯାଇଥିଲେ । ଏହା ସଙ୍ଗେ ସଙ୍ଗେ ସେ ଦେଓଘର ଏୟାରପୋର୍ଟ ବୋର୍ଡ ଅଫ୍ ଡାଇରେକ୍ଟରର ସଦସ୍ୟ ଅଟନ୍ତି । ତେବେ ଏଟିସିରେ ପ୍ରବେଶ କରିନଥିବା ଡିସି କହିଛନ୍ତି । ଏହାପରେ ସାଂସଦ ଟ୍ବିଟ୍ କରିଥିଲେ, ସିଆଇଏସଏଫ ବା ରାଜ୍ୟ ପୋଲିସ କେବଳ ଏୟାରପୋର୍ଟର ସୁରକ୍ଷା ପାଇଁ ମୁତୟନ ହୋଇଥାନ୍ତି, ସିସିଟିଭି ଫୁଟେଜର ସୂଚନା ଦେବା ପାଇଁ ନୁହେଁ । ଏହା ଉପରେ ଡିସି ସାଂସଦଙ୍କୁ ଟାର୍ଗେଟ କରି ସେ କାହା ଅନୁମତିରେ ଏଟିସି ମଧ୍ୟକୁ ଗଲେ ବୋଲି ପ୍ରଶ୍ନ କରିଥିଲେ ।
ଏହି ପ୍ରଶ୍ନର ଜାବରରେ ନିଶିକାନ୍ତ ଦୁବେ ସଫେଇ ଦେଇଥିଲେ ଯେ, ସେ ଏଥିପାଇଁ ଏୟାରପୋର୍ଟ ଅଧିକାରୀଙ୍କୁ ଠାରୁ ଆବଶ୍ୟକୀୟ ଅନୁମତି ନେଇଥିଲେ । ଏହାବ୍ୟତୀତ ସେ ସାଂସଦ ହୋଇଥିବା ଦୃଷ୍ଟିରୁ ଦେଓଘର ଏୟାରପୋର୍ଟ ଚେୟାରମ୍ୟାନ ମଧ୍ୟ ଅଟନ୍ତି ଏବଂ ମନୋଜ ତିୱାରୀ ବିମାନ ଚଳାଚଳ ମନ୍ତ୍ରଣାଳୟର ଆଡଭାଇଜରୀ କମିଟି ସଦସ୍ୟ ଅଟନ୍ତି । ଏହି ଦୃଷ୍ଟିରୁ ସେ ନାଇଟ ଲ୍ୟାଣ୍ଡିଂ ବାବଦରେ ଜାଣିବା ପାଇଁ ଏୟାରପୋର୍ଟ ନିର୍ଦ୍ଦେଶକଙ୍କ ସହ କଥାବାର୍ତ୍ତା ହେବାକୁ ଯାଇଥିଲେ ।
