ଡେରାଡୁନ: ନିୟନ୍ତ୍ରଣ ହରାଇ ରସ୍ତାକଡରେ ଥିବା ଦୋକାନ ଓ ଲୋକଙ୍କ ଉପରେ ମାଡିଗଲା ଟ୍ରକ । ଏଥିରେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ଏକାଧିକ ଆହତ ହୋଇଥିବା ସୂଚନା ମିଳିଛି (Truck accident at Dehradun Chandramani Chowk) । ଏହି ଦୁର୍ଘଟଣାଟି ଡେରାଡୁନର ପଟେଲ ନଗର ଥାନା ଅଧିନ ଚନ୍ଦ୍ରମଣି ଛକରେ ଘଟିଛି । ପୋଲିସ ପହଞ୍ଚି ମୃତଦେହ ଜବତ କରିବା ସହ ଦୁର୍ଘଟଣା ଘଟାଇଥିବା ଟ୍ରକକୁ ମଧ୍ୟ ଜବତ କରିଛି ।
ନିୟନ୍ତ୍ରଣ ହରାଇ ଦୋକାନ ଉପରେ ମାଡିଗଲା ଟ୍ରକ: ଜଣେ ମୃତ, ଏକାଧିକ ଆହତ
ପ୍ରାଥମିକ ସୂଚନା ଅନୁସାରେ, ଟ୍ରକଟି ଭାରସାମ୍ୟ ହରାଇ ରାସ୍ତା କଡକୁ ମାଡିଯାଇଥିଲା । 3 ବାଇକ ଆରୋହୀଙ୍କୁ ଧକ୍କା ଦେବା ପରେ ନିକଟରେ ଥିବା ଏକାଧିକ ଦୋକାନ ଭିତରକୁ ଟ୍ରକଟି ମାଡି ଯାଇଥିଲା । ଘଟଣାସ୍ଥଳରେ ଜଣେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଛି । ସ୍ଥାନୀୟ ଲୋକେ ଅନ୍ୟ ଆହତଙ୍କୁ ଉଦ୍ଧାର କରି ହସ୍ପିଟାଲ ପଠାଇବା ସହ ପୋଲିସକୁ ସୂଚନା ଦେଇଥିଲେ । ଅଘଟଣ ପରେ କିଛି ସମୟ ଉତ୍ତେଜନା ମଧ୍ୟ ପ୍ରକାଶ ପାଇଥିଲା । ତଦନ୍ତ ଜାରି ରହିଥିବା ପୋଲିସ କହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
