ବିଶାଖାପାଟନମ: ଆନ୍ଧ୍ରପ୍ରଦେଶର ବିଶାଖାପାଟମରେ ମର୍ମନ୍ତୁଦ ସଡକ ଦୁର୍ଘଟଣା । ଆରକୁ ଘାଟିରେ ଏକ ବସ ଓଲଟି ପଡିଛି । ଦୁର୍ଘଟଣାରେ 8 ଜଣଙ୍କ ମୃତ୍ୟୁ ହୋଇଥିବା ବେଳେ ଆହତଙ୍କ ସଂଖ୍ୟା ଜଣାପଡିନି । ଶୁକ୍ରବାର ସଂଧ୍ୟାରେ ଘଟିଛି ଏହି ଦୁର୍ଘଟଣା ।
ପୋଲିସର ସୂଚନା ଅନୁଯାୟୀ ହାଇଦ୍ରାବାଦରୁ ଆସିଥିବା ଏକ ଟୁରିଷ୍ଟ ବସ ଅନନ୍ତଗିରି ଗାଁ ନିକଟ ବୁଲାଣିରେ ସ୍ଟିପ ଟର୍ଣ୍ଣ ନେଉଥିବା ବେଳେ ଆରକୁ ଘାଟିରେ ଓଲଟିପଡିଥିଲା । ବସରେ ମୋଟ 30 ଜଣ ଯାତ୍ରୀ ଥିବା ବେଳେ ଏମାନେ ସମସ୍ତେ ହାଇଦ୍ରାବାଦର ବୋଲି ଜଣାପଡିଛି ।
ଦୁର୍ଘଟଣାରେ ଆହତ ଥିବା କିଛି ଯାତ୍ରୀଙ୍କ ଅବସ୍ଥା ସଂକଟାପନ୍ନ ରହିଛି । ତେବେ ଆହତଙ୍କୁ ଆମ୍ବୁଲାନ୍ସ ଯୋଗେଁ ବିଶାଖାପାଟନମ ହସ୍ପିଟାଲକୁ ସ୍ଥାନାନ୍ତର କରାଯାଇଛି । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଥିବା ସୂଚନା ଦେଇଛି ପୋଲିସ ।
