TOP NEWS@5PM: ଦେଖନ୍ତୁ ବର୍ତ୍ତମାନର ବଡ ଖବର

୧. ମହାପ୍ରଭୁଙ୍କ ଦର୍ଶନ, ଜିଲ୍ଲା ପ୍ରଶାସନର ପ୍ରସ୍ତୁତି ଆରମ୍ଭ

ବହୁ ଦିନରେ ପ୍ରତୀକ୍ଷା ପରେ ଲାଗିଛି ଜଗା ଡୋରି । ପୁରୀବାସୀ ଆସନ୍ତା ୧୬ ତାରିଖଠାରୁ ଜଗା ଦର୍ଶନ କରିବାକୁ ଯାଉଥିବା ବେଳେ ପ୍ରଶାସନ ପ୍ରସ୍ତୁତି ଆରମ୍ଭ କରିଛି ।

୨. ଭୁବନେଶ୍ବର ବିଜେପିରେ କମ୍ପନ: BJDରେ ଏଣ୍ଟ୍ରି କରିବେ ଜଗନ୍ନାଥ ! ଜୋରଦାର ଚର୍ଚ୍ଚା

ବିଜେପି ନେତାଙ୍କ ବିଜେଡିରେ ଏଣ୍ଟ୍ରି ନେଇ ଚର୍ଚ୍ଚା । ଭୁବନେଶ୍ବର ବିଜେପି ନେତା ଜନନ୍ନାଥ ପ୍ରଧାନ ବିଜେଡିରେ ସାମିଲ ହେବା ନେଇ ରାଜନୈତିକ ମହଲରେ ବେଶ ଚର୍ଚ୍ଚା ହେଉଛି ।

୩. ପୌର ନିର୍ବାଚନ ତାତି, କୋର୍ଟଙ୍କ ଦ୍ବାରସ୍ଥ କଂଗ୍ରେସ

ପୌର ନିର୍ବାଚନ ନେଇ ତେଜୁଛି ରାଜନୀତି । ପୂର୍ବରୁ ଏହି ପ୍ରସଙ୍ଗରେ ବିଜେଡି ବିଜେପି ମୁହାଁମୁହିଁ ହୋଇଥିବାବେଳେ ଏବେ କୋର୍ଟଙ୍କ ଦ୍ବାରସ୍ଥ ହୋଇଛି କଂଗ୍ରେସ ।

୪. ଅବୈଧ ନୁହେଁ ସ୍ତ୍ରୀ ସହ ଜୋରଜବରଦସ୍ତି ଶାରିରୀକ ସମ୍ପର୍କ: ମୁମ୍ବାଇ କୋର୍ଟ

ସ୍ତ୍ରୀ ସହ ଜବରଦସ୍ତି ଯୌନ ସମ୍ପର୍କ ଅବୈଧ ନୁହେଁ ବୋଲି ଏକ ଶୁଣାଣିରେ କହିଛନ୍ତି ମୁମ୍ବାଇର ସେସନ କୋର୍ଟ ।

୫. ଆଫଗାନ ଛାତିରେ ହିଂସାର ତାଣ୍ଡବ, କାବୁଲ କବଜା କରିବାକୁ ମାଡିଆସୁଛି ତାଲିବାନ

ଗତ ଏକ ସପ୍ତାହ ମଧ୍ୟରେ ଅନେକ ବଡ ସହରକୁ ନିଜ କବଜାକୁ ନେଇସାରିବା ପରେ ରାଜଧାନୀ କାବୁଲ ମୁହାଁ ହୋଇଛି ତାଲିବାନ ।

୬. ସାବଧାନ ! ଆଫଗାନରେ ରହୁଥିଲେ ହୋଇପାରନ୍ତି ଅପହରଣ

ଆଫଗାନିସ୍ତାନରେ ରହୁଥିବା ଭାରତୀୟଙ୍କୁ ତାଲିବାନ କରିପାରେ ଅପହରଣ । ଏଥିଲାଗି ତୁରନ୍ତ ଦେଶ ଛାଡିବାକୁ ଭାରତୀୟଙ୍କୁ ନିର୍ଦ୍ଦେଶ ଦେଇଛନ୍ତି ଭାରତ ସରକାର ।

୭. ହାତ ଛାଡିବେ ନାହିଁ ପ୍ରଦୀପ ମାଝୀ

ପ୍ରଦୀପ ମାଝୀ ବିଜେଡିରେ ସାମିଲ ହୋଇପାରନ୍ତି ବୋଲି ରାଜନୈତିକ ମହଲରେ ହେଉଛି ଜୋରଦାର ଚର୍ଚ୍ଚା । କିନ୍ତୁ ସବୁ ଚର୍ଚ୍ଚା ଉପରେ ବିରାମ ଲଗାଇଛନ୍ତି ପ୍ରଦୀପ । ପ୍ରଥମଥର ଏହି ତମାମ ଚର୍ଚ୍ଚା ଉପରେ ମୁହଁ ଖୋଲିଛନ୍ତି ସେ ।

୮. ଉଗ୍ର ହେଲେ କଟକିଆ, ଜୋର ଧରିଲା ମଦ ବିରୋଧୀ ଆନ୍ଦୋଳନ

ମଦ ବ୍ୟବସାୟକୁ ନେଇ ଉଗ୍ର ହେଲେ କଟକିଆ । ରାଜାବଗିଚା ନିକଟରେ ଥିବା ମଦ ଦୋକାନକୁ ସେଠାରୁ ଉଠାଇବା ପାଇଁ ସ୍ଥାନୀୟ ବାସିନ୍ଦା ଦାବି କରିଛନ୍ତି ।

୯. ଆଗାମୀ ପଞ୍ଚାୟତ ନିର୍ବାଚନରେ 27% OBC ପ୍ରାର୍ଥୀ ଦେବ ବିଜେଡି

ଓବିସି ଭୋଟ ବ୍ୟାଙ୍କକୁ ହାତେଇବାକୁ ବିଜେଡିର ବଡ ଘୋଷଣା । 2022 ପଞ୍ଚାୟତ ନିର୍ବାଚନରେ 27% OBC ଦଳୀୟ ପ୍ରାର୍ଥୀ ଦେବ ବିଜୁ ଜନତା ଦଳ । ଏନେଇ ଆଜି ଦଳ ପକ୍ଷରୁ ହୋଇଛି ବଡ ଘୋଷଣା ।

୧୦. ବିଶାଖାପାଟନମରେ ସିନ୍ଧୁ ଖୋଲିବେ ଟ୍ରେନିଂ ଏକାଡେମୀ

ଆନ୍ଧ୍ର ସରକାରଙ୍କ ସହଯୋଗରେ ଦେଶର ଯୁବ ପ୍ରତିଭାଙ୍କୁ ଖେଳ ପ୍ରତି ଆକୃଷ୍ଟ କରିବା ଲକ୍ଷ୍ୟରେ, ବିଶାଖାପାଟନମରେ ଏକ ଟ୍ରେନିଂ ଏକାଡେମୀ ଆରମ୍ଭ କରିବାକୁ ଯାଉଛନ୍ତି ସିନ୍ଧୁ ।