କୋଲକାତା: ଟିଏମସି ନେତାଙ୍କୁ ଗୁଳି କରି ହତ୍ୟା(TMC leader shot dead in Murshidabad ) । ଗତକାଲି(ଗୁରୁବାର) ସନ୍ଧ୍ୟାରେ ପଶ୍ଚିମବଙ୍ଗର ମୁର୍ସିଦାବାଦ ଜିଲ୍ଲାର ନୋଡା ଠାରେ ଟିଏମସି ନେତାଙ୍କୁ ଗୁଳି କରାଯାଇ ହତ୍ୟା କରାଯାଇଥିବା ସୂଚନା ମିଳିଛି । ମୃତ ଟିଏମସି(Trinamool Congress ) ନେତା ହେଉଛନ୍ତି ନଦିଆ ଜିଲ୍ଲାର କରିମପୁରର ମାତିରୁଲ ବିଶ୍ବାସ ।
ମିଳିଥିବା ସୂଚନା ଅନୁଯାୟୀ, ନଦିଆ ଜିଲ୍ଲାର କରିମପୁର ଟିଏମସି ନେତା ମାତିରୁଲ ବିଶ୍ବାସ ଗତ ସନ୍ଧ୍ୟାରେ ନୋଡା ଠାରେ ପୁଅକୁ ସ୍କୁଲରେ ଭେଟିବାକୁ ଯାଇ ଫେରୁଥିଲେ । ଏହି ସମୟରେ ତିନି ଜଣ ଦୁର୍ବୃତ୍ତ ଆସି ତାଙ୍କ ଉପରକୁ ଅତର୍କିତ ଭାବେ ଗୁଳି ଚଳାଇଥିଲେ । ଫଳରେ ଘଟଣାସ୍ଥଳରେ ମାତିରୁଲ ଟଳିପଡିଥିଲେ । ସଙ୍ଗେ ସଙ୍ଗେ ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।
ସ୍ଥାନୀୟ ଟିଏମସି ନେତା ଅଜିଜୁଲ ହକ କହିଛନ୍ତି ଯେ, ''ଶାସକ ଟିଏମସିର ବିଭିନ୍ନ ଦଳ ମଧ୍ୟରେ ବିବାଦ ହେତୁ ମାତିରୁଲ ବିଶ୍ବାସଙ୍କୁ ହତ୍ୟା କରାଯାଇଛି । କରିମପୁର ନିର୍ବାଚନମଣ୍ଡଳୀରୁ ପ୍ରତିନିଧିତ୍ୱ କରୁଥିବା ଟିଏମସି ସାଂସଦ ଆବୁ ତାହର ଖାନଙ୍କ ବିରୋଧରେ ଅଜିଜୁଲ ଗୁରୁତର ଅଭିଯୋଗ ଆଣିଛନ୍ତି । ସେ କହିଛନ୍ତି ବିଶ୍ବାସଙ୍କ ହତ୍ୟା ପଛରେ ଆବୁ ତାହରଙ୍କ ହାତ ରହିଛି, ତେଣୁ ତାଙ୍କୁ ତୁରନ୍ତ ଗିରଫ କରାଯାଉ ବୋଲି ଦାବି କରିଛନ୍ତି'' ।
ଏହା ମଧ୍ୟ ପଢନ୍ତୁ-କାନପୁର ଚିିଡିଆଖାନାରେ ଅଜବ ଦୃଶ୍ୟ, ଆଜୀବନ କାରାଦଣ୍ଡ ଭୋଗୁଛି ମାଙ୍କଡ
ସେ ଆହୁରି ମଧ୍ୟ କହିଛନ୍ତି ଯେ,''ଏହି ହତ୍ୟା ଘଟଣାରେ ତାହର ଖାନଙ୍କ ଜ୍ୱାଇଁ ହବିବଙ୍କର ମଧ୍ୟ ସମ୍ପୃକ୍ତି ରହିଛି । ଅନେକ ଦିନ ଧରି ଉଭୟଙ୍କ ମଧ୍ୟରେ ବିବାଦ ଚାଲିଥିଲା । ଜାଣିଶୁଣି ପୋଲିସ କୌଣସି ପଦକ୍ଷେପ ନେଉନାହିଁ । ମୁଁ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ହବିବଙ୍କୁ ଦଳରୁ ହଟାଇବାକୁ ଅନୁରୋଧ କରୁଛି ’’ । ଅନ୍ୟପଟେ ଏହି ଗୁଳିକାଣ୍ଡ ଘଟଣାର ତାହର ମୁଖ୍ୟ ଅଭିଯୁକ୍ତ ବୋଲି ଦାବି କରିଛନ୍ତି ଅଜିଜୁଲ ହକ । ସେପଟେ ଆବୁ ତାହର ଖାନ ଅଜିଲୁଲ ଅଭିଯୋଗକୁ ଖଣ୍ଡନ କରି ପୋଲିସ ଏହି ଘଟଣାର ତଦନ୍ତ କରୁଛି ବୋଲି କହିଛନ୍ତି ।
