ଥିରୁବନନ୍ତପୁରମ: କୋଟିଏରୁ ଉର୍ଦ୍ଧ୍ବ ଟଙ୍କାର ସୁନା ଗହଣା ଲୁଟ । ଶୁକ୍ରବାର ବିଳମ୍ୱିତ ରାତିରେ କେରଳର ଥ୍ରିଶୁର ରେଳ ଷ୍ଟେସନରୁ ଏହି ଚୋରୀ ହୋଇଛି । ଚୋରୀ ପଛରେ ଚିହ୍ନା ବ୍ୟକ୍ତିଙ୍କ ହାତ ଥିବା ନେଇ ଅନୁମାନ କରୁଛି ପୋଲିସ । ସୂଚନା ଅନୁୟାୟୀ, ଗତକାଲି(ଶୁକ୍ରବାର) ବିଳମ୍ୱିତ ରାତିରେ କେରଳର ଥ୍ରିଶୁର ରେଳ ଷ୍ଟେସନରେ ଏକ ବଡ ଧରଣର ଚୋରୀ ହୋଇଛି । ଥ୍ରିଶୁର ସହରର ଜଣାଶୁଣା ସୁନା ଅଳଙ୍କାର କମ୍ପାନୀ ଡିପି ଚେନ ଥ୍ରିଶୁର ରେଳ ଷ୍ଟେସନର କେରଳରୁ ତାମିଲନାଡୁ କନ୍ୟାକୁମାରୀକୁ ଗହଣା ପଠାଉଥିବା ବେଳେ ଏହି ଚୋରୀ ହୋଇଥିଲା ।
ଏହାମଧ୍ୟ ପଢନ୍ତୁ.. ବାଟରୁ ଝାମ୍ପୁଥିଲେ ବ୍ୟାଙ୍କରେ ସଞ୍ଚୁଥିଲେ, ବ୍ଲାକ ଟେପ୍ ବାଇକ ଗ୍ୟାଙ୍ଗକୁ ବାନ୍ଧିଲା ପୋଲିସ
ତେବେ ଡିପି ଚେନ କମ୍ପାନୀର ଅଳଙ୍କାର ଗୁଡିକ ପ୍ରତ୍ୟେକ ସପ୍ତାହରେ ଚେନ୍ନାଇ ଏଗମୋର ଟ୍ରେନରେ ତାମିଲନାଡୁର କନ୍ୟାକୁମାରୀକୁ ପଠାଯାଇଥାଏ । ଗତକାଲି ମଧ୍ୟ କମ୍ପାନୀର ୨ ଜଣ କର୍ମଚାରୀ ସୁନା ଅଳଙ୍କାର ଥିବା ବ୍ୟାଗ ନେଇ ଯାଉଥିବା ବେଳେ ୪ ଜଣ ଦୁର୍ବୃତ୍ତ ବ୍ୟାଗ ଝାମ୍ପି ନେଇ ଯାଇଥିଲେ । ସେହି ବ୍ୟାଗରେ ୩ କିଲୋରୁ ଉର୍ଦ୍ଧ୍ୱ ସୁନା ଗହଣା ଥିଲା । ଯାହାର ମୂଲ୍ୟ ଏକ କୋଟିର ଅଧିକ ହେବ ।
ଏହାମଧ୍ୟ ପଢନ୍ତୁ.. ନାଗ ଓ ଅହିରାଜ ଚୋରାଚାଲାଣ, ବିମାନବନ୍ଦରରୁ ଧରିଲା ପୋଲିସ
ଅଭିଯୋଗ ଅନୁଯାୟୀ, ଦୁର୍ବୃତ୍ତମାନେ ଏକ ଧଳା ରଙ୍ଗର ଏକ ମାରୁତି ସୁଜୁକି ଡିଜେୟାର କାରରେ ଆସି ଡକାୟତି କରି ଚାଲିଯାଇଥିଲେ । ତେବେ ପ୍ରତି ସପ୍ତାହରେ ଏହି ସୁନା କେରଳରୁ ତାମିଲନାଡୁ ଯାଇଥିବା ବେଳେ ଏହି ଡକାୟତି ପଛରେ ଜଣାଶୁଣା ଲୋକଙ୍କ ହାତ ଥିବା ଅନୁମାନ କରିଛି ପୋଲିସ । ପୋଲିସ ଏତଲା ରୁଜୁ କରି ତଦନ୍ତ ଆରମ୍ଭ କରିଛି । ଚୋରୀ ସୁନାଗହଣାର ମୂଲ୍ୟ ଏକ କୋଟିରୁ ଅଧିକ ହେବ ବୋଲି ଆକଳନ କରାଯାଉଛି ।
ଏହାମଧ୍ୟ ପଢନ୍ତୁ.. Gold Seized: ଅଢେଇ କେଜି ସୁନା ବିସ୍କୁଟ ଜବତ, ସ୍ମଗଲର ଗିରଫ
ସେହିପରି ଭୁବନେଶ୍ବରରୁ ବେଆଇନ ସୁନା ଚାଲାଣ କାରବାରରେ ରାଜସ୍ବ ଗୁଇନ୍ଦା ନିର୍ଦ୍ଦେଶାଳୟକୁ ବଡ ସଫଳତା ମିଳିଛି । ରାଜଧାନୀ ଭୁବନେଶ୍ବରକୁ ଅବାଧରେ ଆସୁଥିବା ଚୋରା ସୁନା କାରବାରକୁ ପଣ୍ଡ କରିଛି ଡିଆରଆଇ । ଭୁବନେଶ୍ବରରୁ ଜଣେ ସ୍ମଗଲରଙ୍କୁ ଗିରଫ କରିବା ସହ ତାଠାରୁ 2 କିଲୋ 465 ଗ୍ରାମର ସୁନା ବିସ୍କୁଟ ଜବତ ହୋଇଛି । ମୋଟ 19ଟି ସୁନା ବିସ୍କୁଟ ଜବତ ହୋଇଛି । ପ୍ରତି ବିସ୍କୁଟର ଓଜନ 116 ଗ୍ରାମ ରହିଛି । ଗିରଫ ସ୍ମଗଲରକୁ ରିମାଣ୍ଡରେ ନେବ ଡିଆରଆଇ । ଜବତ ସୁନାରର ମୂଲ୍ୟ ପ୍ରାୟ ଦେଢ କୋଟି ଟଙ୍କା ହେବ ବୋଲି ଅନୁମାନ କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
