ହାଇଦ୍ରାବାଦ: କୋଭିଡ ଟୀକାକରଣ କ୍ଷେତ୍ରରେ ତେଲେଙ୍ଗାନାକୁ ସଫଳତା । ରାଜ୍ୟର ଘରୋଇ ହସ୍ପିଟାଲମାନଙ୍କରେ ଟୀକାକରଣ ପ୍ରକ୍ରିୟା କାର୍ଯ୍ୟକାରୀ କରିବାରେ ତେଲେଙ୍ଗାନା ରାଜ୍ୟରେ ନଂ 1 ସ୍ଥାନରେ ରହିଛି । ଏନେଇ ଆନୁଷ୍ଠାନିକ ଭାବେ କେନ୍ଦ୍ର ସରକାରଙ୍କ ପକ୍ଷରୁ ସୂଚନା ମିଳିଛି ।
48.39 ପ୍ରତିଶତ ଟୀକାକରଣ ସହ ତେଲେଙ୍ଗାନା ପ୍ରଥମ ସ୍ଥାନରେ ଥିବାବେଳେ 43.11 ପ୍ରତିଶତ ଟୀକାକରଣ ସହ ଜାତୀୟ ରାଜଧାନୀ ଦିଲ୍ଲୀ ଦ୍ବିତୀୟ ସ୍ଥାନରେ ରହିଛି । ତେବେ ରାଜ୍ୟବ୍ୟାପୀ 10 ଲକ୍ଷରୁ ଉର୍ଦ୍ଧ୍ବ ବ୍ୟକ୍ତି ପ୍ରଥମ ଡୋଜ ଭ୍ୟାକ୍ସିନ ଗ୍ରହଣ କରିଥିବା ସୂଚନା ମିଳିଛି । ଅନ୍ୟପଟେ ମହାମାରୀ ପ୍ରତିହତ ପାଇଁ ଏବେ ଦେଶବ୍ୟାପୀ ଟୀକାକରଣକୁ ଜୋରଦାର କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
