ଥୁରୁଅନନ୍ତପୁରମ: କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡାକ୍ତର ହର୍ଷବର୍ଦ୍ଧନଙ୍କୁ ଚିଠି ଲେଖିଲେ କେରଳ ମୁଖ୍ୟମନ୍ତ୍ରୀ । ତୁରନ୍ତ କେରଳକୁ 50 ଲକ୍ଷ ଡୋଜର ଟିକା ପଠାଇବାକୁ ଚିଠିରେ ଅନୁରୋଧ କରିଛନ୍ତି କେରଳ ମୁଖ୍ୟମନ୍ତ୍ରୀ ପିନାରାଇ ବିଜୟନ । କେରଳରେ ବର୍ତ୍ତମାନ କୋଭିଡ ସଂକ୍ରମଣ ଉତ୍କଟ ସ୍ଥିତିରେ ଥିବାଯୋଗୁ ତୁରନ୍ତ ଟିକା ଆବଶ୍ୟକ ଥିବା ଜଣାଇଛନ୍ତି ବିଜୟନ ।
ବିଜୟନ ଚିଠିରେ ଉଲ୍ଲେଖ କରିଛନ୍ତି ଯେ ରାଜ୍ୟରେ ସଂକ୍ରମଣ ହାରକୁ ଦୃଷ୍ଟିରେ ରଖି ରାଜ୍ୟ ସରକାର ସ୍ବତନ୍ତ୍ର ଡ୍ରାଇଭ ଆରମ୍ଭ କରିବାକୁ ଯାଉଛନ୍ତି । ଏହା ପାଇଁ 45 ଦିନର ଏକ ଆକ୍ସନ ପ୍ଲାନ ମଧ୍ୟ କେରଳ ସରକାରଙ୍କ ଦ୍ବାରା ପ୍ରସ୍ତୁତ ହୋଇଛି । ଯେଉଁଥିରେ ଦିନକୁ ପ୍ରାୟ 2 ଲକ୍ଷ ବ୍ୟକ୍ତିଙ୍କୁ ଟିକା ପ୍ରଦାନ କରିବାର ଲକ୍ଷ ରଖାଯାଇଛି । ରାଜ୍ୟରେ ବର୍ତ୍ତମାନ ଟିକା ମଧ୍ୟ ଯଥେଷ୍ଟ ପରିମାଣରେ ନାହିଁ । ତେଣୁ କେନ୍ଦ୍ର ଖୁବ ଶିଘ୍ର କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ 50 ଲକ୍ଷ କୋଭିଡ ଟିକା ପ୍ରଦାନ କରାଯିବା ପାଇଁ ଚିଠିରେ ଉଲ୍ଲେଖ କରାଛନ୍ତି ମୁଖ୍ୟମନ୍ତ୍ରୀ ପିନାରାଇ ବିଜୟନ ।
ତେବେ ସାରା ଦେଶରେ ମହାରାଷ୍ଟ୍ର ପରେ କରେଳରେ କୋରୋନା ସଂକ୍ରମଣର ଦ୍ବିତୀୟ ଲହର ଉଦବେଗ ଜନକ ସ୍ଥିତି ସୃଷ୍ଟି କରିଛି ।
@ANI
