ବେଙ୍ଗାଲୁରୁ: କର୍ଣ୍ଣାଟକରେ ଚିତ୍ରଦୁର୍ଗା ଜିଲ୍ଲାରେ ବସ ସହ ଗୋଟିଏ କାରର ମୁହାଁମୁହିଁ ଧକ୍କା ହୋଇଛି । ଦୁର୍ଘଟଣାରେ ପାଞ୍ଚଜଣଙ୍କ ମୃତ୍ୟୁ ହୋଇଥିବା ବେଳେ ସାତ ଜଣ ଗୁରୁତର ଭାବରେ ଆହତ ହୋଇଛନ୍ତି ।
ସୂଚନାଅନୁସାରେ,ଗତକାଲି(ଶନିବାର) ବିଳମ୍ବିତ ରାତିରେ ଚିତ୍ରଦୁର୍ଗା ଜିଲ୍ଲାର ମୋଲକାଲମୁରୁ ତାଲୁକର ବିଜି କେରେ ଗାଁ ନିକଟରେ ଗୋଟିଏ କାର ଓ ବସ ମୁହାଁମୁହିଁ ହୋଇଥିଲା । ଫଳରେ ଭୟଙ୍କର ସଡକ ଦୁର୍ଘଟଣା ହୋଇଥିଲା । ଦୁର୍ଘଟଣାରେ ଘଟଣାସ୍ଥଳରେ ପାଞ୍ଚଜଣଙ୍କର ମୃତ୍ୟୁ ହୋଇଥିବା ବେଳେ ସାତଜଣ ଗୁରୁତର ଭାବରେ ଆହତ ହୋଇଛନ୍ତି ।
ମୃତକମାନେ ହେଲେ ଟିମନ୍ନା (40), ରତ୍ନାମ (38), ମହେଶ (19), ଦୁର୍ଗାପ୍ପା (16) ଏବଂ ଜଣେ 55 ବର୍ଷିୟ ମହିଳା । ଆହତ ସମସ୍ତଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଦୁର୍ଘଟଣା ଘଟାଇଥିବା ବସଟି ବେଙ୍ଗାଲୁରୁରୁ ଲିଙ୍ଗାସୁରୁ ଅଭିମୁଖେ ଯାଉଥିଲା । ଏନେଇ ମୋଲାକାଲମୁରୁ ଥାନାରେ ଏକ ମାମଲା ରୁଜୁ ହୋଇଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
