ଶ୍ରୀନଗର: କାଶ୍ମୀରର ଗନ୍ଦରବାଲ ଜିଲ୍ଲାରେ ଯବାନଙ୍କୁ ନେଇ ଯାଉଥିବା ସେନାର ଏକ ଟ୍ରକ ଭାରସାମ୍ୟ ହରାଇ ଓଲଟି ପଡିବାରୁ ଜଣେ ଯବାନଙ୍କ ମୃତ୍ୟୁ ହେବା ସହ ଅନ୍ୟ ଦୁଇ ଆହତ ହୋଇଛନ୍ତି । ଆହତ ଯବାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ, ସେନାର ଯବାନଙ୍କୁ ନେଇ ଏକ କନଭୟ ବାହାରିଥିଲା । ତେବେ କନଗାନର ସୁମ୍ବାଲବାଲା ଗୁଣ୍ଡ ଅଞ୍ଚଳର ମସଜିଦ ମୋଡରେ ଏହି ଟ୍ରକଟି କୌଣସି କାରଣରୁ ଭାରସାମ୍ୟ ହରାଇ ପଥରକୁ ଧକ୍କା ଦେବା ସହ ଓଲଟି ପଡିଥିଲା । ଗାଡି ତଳେ ଚାପି ହୋଇଯାଇଥିବା ଜଣେ ଯବାନ ଘଟଣାସ୍ଥଳରେ ପ୍ରାଣ ହରାଇଥିବା ବେଳେ ଅନ୍ୟ ଦୁଇ ଜଣଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
