ଅମରାବତୀ: ମୋବାଇଲ ଯୁଗରେ ଆପ୍ଲିକେଶନର ବ୍ୟବହାର ସବୁଠାରୁ ଅଧିକ ଗୁରୁତ୍ବ ବହନ କରୁଥିବା ଦେଖା ଦେଇଛି । ଆନ୍ଧ୍ରପ୍ରଦେଶର କାକିନାଡ଼ାରେ ଏହି ଆପ୍ଲିକେଶନ ଜରିଆରେ ହିଁ ୪ ବର୍ଷ ପୂର୍ବେ ହଜି ଯାଇଥିବା ଏକ ବୁଲେଟ ବାଇକ ଖୋଜିବାରେ ସଫଳ ହୋଇଛି ପୋଲିସ । ବାଇକ ମିଳିବା ପରେ ତୁରନ୍ତ ଏହାର ମାଲିକଙ୍କୁ ଖବର ଦେଇଛି ପୋଲିସ ।
ଶନିବାର ରାତିରେ କାକିନାଡ଼ାର ଟୁନି ଅଞ୍ଚଳରେ ପୋଲିସ ବିଭିନ୍ନ ଗାଡ଼ିର ଯାଞ୍ଚ ଚଳାଇଥିଲା । ଏହି ସମୟରେ ଏକ ବୁଲେଟକୁ ଅଟକାଇ ଗାଡ଼଼ିର କାଗଜ ମାଗିଥିଲା ପୋଲିସ । ହେଲେ ଗାଡ଼ିଚାଳକ ଗାଡ଼ି କାଗଜ ଦେଇନଥିଲେ । ଏହାପରେ ପୋଲିସ ଗାଡ଼ିର ତଥ୍ୟ ଦେଇ ଏମ୍-ପରିବହନ ଆପ୍ ମାଧ୍ୟମରେ ସବିଶେଷ ବିବରଣୀ ଜାଣିବାକୁ ଚେଷ୍ଟା କରିଥିଲେ ।
ଏହାପରେ ଗାଡ଼ିଟି ଚୋରାଗାଡ଼ି ହୋଇଥିବା ଜଣା ପଡ଼ିଥିଲା । ୨୦୧୯ ମସିହାରେ ଏହି ଗାଡ଼ି ଚୋରି ହୋଇଥିବା ପରିବହନ ଆପ୍ରୁ ଜଣା ପଡ଼ିଥିଲା । ଏହାପରେ ପୋଲିସ ଗାଡ଼ିକୁ ଜବତ କରିବା ସହ ଗାଡ଼ିଚାଳକକୁ ଗିରଫ କରିଛି । ଏହାପରେ ଗାଡ଼ିର ଅସଲ ମାଲିକକୁ ଖବର ଦେଇଛି । ଏହାକୁ ନେଇ ଲୋକେ ପୋଲିସକୁ ସାବାସୀ ଦେବାରେ ଲାଗିଛନ୍ତି ।
