ଚଣ୍ଡିଗଡ଼: ଉନ୍ନତ ଜୀବନଶୈଳୀ ଜିଇଁବା ପାଇଁ ଦେଶବାସୀ ଏବେ ବିଦେଶ ମୁହାଁ ହେଉଥିବା ଦେଖିବାକୁ ମିଳିଛି । ଅନେକ ପଞ୍ଜାବୀ ଯୁବଗୋଷ୍ଠୀ(Punjabi youth) ବିଦେଶ ଯାଇ ସଫଳତା ମଧ୍ୟ ସାଉଁଟିଛନ୍ତି । ଏହାରି ମଧ୍ୟରେ ବିଦେଶରେ ନିଜ ଭାଗ୍ୟ ସହ ଲଢୁଛନ୍ତି ୬ ପଞ୍ଜାବୀ । ଅଷ୍ଟ୍ରେଲିଆର ସଂଘୀୟ ଓ ସିନେଟ ନିର୍ବାଚନ(Australia's federal and senate elections)ରେ ୬ ଜଣ ପଞ୍ଜାବୀ ପ୍ରାର୍ଥୀ ଭାବେ ନିର୍ବାଚନୀ ମୈଦାନକୁ ଓହ୍ଲାଇଥିବା ଜଣାପଡ଼ିଛି ।
ଆସନ୍ତା ମେ ୨୧ ତାରିଖରେ ଅଷ୍ଟ୍ରେଲିଆରେ ଭୋଟିଂ ଶେଷ ହେବ । ଅଷ୍ଟ୍ରେଲିଆରେ ବହୁମତ ସରକାର ଗଠନ କରିବା ପାଇଁ ଗୋଟିଏ ଦଳକୁ ପ୍ରାୟ ୧୫୧ଟି ସିଟ୍ ମଧ୍ୟରୁ ୭୬ ସିଟ ହାତେଇବାର ଆବଶ୍ୟକତା ରହିଛି । ଅଷ୍ଟ୍ରେଲିଆରେ ୬ ପଞ୍ଜାବୀଙ୍କ ସମେତ ୧୭ ଜଣ ଭାରତୀୟ ମୂଳ ପ୍ରାର୍ଥୀ ଏହି ନିର୍ବାଚନରେ ପ୍ରତିଦ୍ବନ୍ଦ୍ବିତା କରୁଛନ୍ତି । ୬ଟି ପଞ୍ଜାବୀ ପ୍ରାର୍ଥୀଙ୍କ ମଧ୍ୟରୁ ଗ୍ରୀନ୍ ପାର୍ଟିର ଟିକେଟରେ କୁଇନ୍ସଲ୍ୟାଣ୍ଡର ନବଦୀପ ସିଂ ସିଦ୍ଧୁ, ୱାନ୍ ନେସନ୍ ପାର୍ଟିର ମାକିନରୁ ରାଜନ ବୈଦ, ଲିବରାଲ୍ ପାର୍ଟିର ଚିଫଲରୁ ଜୁଗନଦୀପ ସିଂ ନିର୍ବାଚନ ଲଢୁଛନ୍ତି ।
ସେହପରି ଗ୍ରୀନୱେରୁ ଲଭପ୍ରୀତ ସିଂ ନନ୍ଦା, ଟ୍ରିମନ ଗିଲ (ଅଷ୍ଟ୍ରେଲୀୟ ଲେବର ପାର୍ଟି) ଅନ୍ତର୍ଭୁକ୍ତ । ଦକ୍ଷିଣ ଅଷ୍ଟ୍ରେଲୀୟ ସିନେଟର ହରମିତ କୌର (ଗ୍ରୁପ ଏମ) ମଧ୍ୟ ପ୍ରତିଦ୍ବନ୍ଦ୍ବିତା କରୁଛନ୍ତି । ବିଦେଶରେ ପଞ୍ଜାବୀ ଯୁବଗୋଷ୍ଠୀ ନିର୍ବାଚନ ଲଢୁଥିବାବେଳେ ଏହାକୁ ନେଇ ରାଜ୍ୟ ସମତେ ଦେଶବାସୀ ଗର୍ବିତ ଅନୁଭବ କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
