ଗାନ୍ଧୀନଗର: ଗୁଜୁରାଟର ଅବରଲୀରେ ମର୍ମନ୍ତୁଦ ସଡକ ଦୁର୍ଘଟଣାରେ 6 ଜଣଙ୍କ ମୃତ୍ୟୁ ଘଟିଛି । ଏକ କାର ଓ 3ଟି ଟ୍ରକ ମଧ୍ୟରେ ଏକକାଳୀନ ଧକ୍କା ହେବା ଫଳରେ ଏକ କେମିକାଲ ବୋଝେଇ ଟ୍ରକରେ ନିଆଁ ଲାଗି ଯାଇଥିଲା । ଏଥିରେ 6 ଜଣଙ୍କ ମୃତ୍ୟୁ ଘଟିଥିବାବେଳେ ଅନ୍ୟ କିଛି ଆହତ ମଧ୍ୟ ହୋଇଥିବା ସନ୍ଦେହ କରାଯାଉଛି । ଆଜି (ଶନିବାର) ପୂର୍ବାହ୍ନ ପ୍ରାୟ 9ଟାବେଳେ ଏହି ଦୁର୍ଘଟଣା ଘଟିଛି ।
ଅରାବଲୀ ଜିଲ୍ଲା ମୁଖ୍ୟାଳୟ ଠାରୁ 10 କିମି ଦୂର ଆଲମପୁର ଗ୍ରାମ ନିକଟରେ ଏହି ଦୁର୍ଘଟଣା ଘଟିଛି । ଦୁର୍ଘଟଣାଗ୍ରସ୍ତ ହୋଇଥିବା ଟ୍ରକ ମଧ୍ୟରୁ ଗୋଟିଏରେ କିଛି ରାସାୟନିକ ସାମଗ୍ରୀ ଥିବା ଯୋଗୁଁ ଦୁର୍ଘଟଣା ପରେ ନିଆଁ ଲାଗି ଯାଇଥିଲା । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ନିଆଁକୁ ଆୟତ୍ତ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
