ବେଙ୍ଗାଲୁରୁ: କର୍ଣ୍ଣାଟକ ରାଜଧାନୀ ବେଙ୍ଗାଲୁରୁର ୬ଟି ସ୍କୁଲରେ ବୋମା ବିସ୍ଫୋରଣ ପାଇଁ ଧମକ ମିଳିଛି(Six Bengaluru schools get bomb threat) । ଶୁକ୍ରବାର ଦିନ ପ୍ରାୟ ୧୧ଟା ସମୟରେ ଇମେଲ ଯୋଗେ ଏହି ଧମକ ଦିଆଯାଇଥିଲା । ଇମେଲରେ କୁହାଯାଇଥିଲା ଯେ, ଗୋଟିଏ ଶକ୍ତିଶାଳୀ ବୋମା ତୁମମାନଙ୍କ ସ୍କୁଲ କ୍ୟାମ୍ପସରେ ଖଞ୍ଜାଯାଇଛି । ଏହାକୁ ଥଟ୍ଟା ଭାବେ ନିଅନାହିଁ ଏବଂ ଜମା ବିଳମ୍ବ କରନାହିଁ । ତୁରନ୍ତ ପୋଲିସକୁ ଫୋନ କର । ତୁମ ସହ ଶହ ଶହ ଜୀବନ ବିପଦରେ ପଡିପାରେ । ବର୍ତ୍ତମାନ ସବୁକିଛି ତୁମମାନଙ୍କ ହାତରେ ଅଛି ବୋଲି କେହି ଇମେଲ କରିଥିଲା ।
ଏହି ସୂଚନା ପାଇବା ପରେ ପୋଲିସ ଓ ବୋମା ନିଷ୍କ୍ରିୟ ଟିମ୍ ତୁରନ୍ତ ସ୍କୁଲଗୁଡିକୁ ଯାଇ ଯାଞ୍ଚ କରିଥିଲେ । ଯେଉଁ ସ୍କୁଲଗୁଡିକରେ ପରୀକ୍ଷା ଚାଲୁଥିଲା ସେଠାରେ ପରୀକ୍ଷା ବନ୍ଦ କରାଯାଇ ଛାତ୍ରଛାତ୍ରୀଙ୍କୁ ସୁରକ୍ଷିତ ଭାବେ ବାହାର କରାଯାଇଥିଲା । ହେଲେ ଏଯାଏଁ ସ୍କୁଲଗୁଡିକରୁ କୌଣସି ବିସ୍ଫୋରକ ସାମଗ୍ରୀ ମିଳିନାହିଁ । ତେଣୁ ଏହା ଏକ ଗୁଜବ ହୋଇଥିବା ପୋଲିସ କହିଛି ଏବଂ କିଏ ଏଭଳି ଧମକପୂର୍ଣ୍ଣ ଇମେଲ ପଠାଇଥିଲା ତାହାର ଯାଞ୍ଚ କରାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
