ହାଇଦ୍ରାବାଦ: ତାମିଲନାଡୁରେ ଏକ ବସ୍ତ୍ର ବଣ୍ଟନ କାର୍ଯ୍ୟକ୍ରମରେ ଅଘଟଣ । ଦଳାଚକଟାରେ 4ଜଣ ମହିଳାଙ୍କ ମୃତ୍ୟୁ ହୋଇଛି । ତିରୁପଟ୍ଟୁରରେ ସ୍ଥାନୀୟ ଥାଇପୁସମ ପର୍ବ ଅବସରରେ ଏହି ବସ୍ତ୍ର ବଣ୍ଟନ କାର୍ଯ୍ୟକ୍ରମ ଆୟୋଜନ ହୋଇଥିଲେ । ସ୍ଥାନୀୟ ଆୟପ୍ପାନ ନାମକ ଜଣେ ସାମାଜିକ କର୍ମୀ ଏହି ପର୍ବ ଅବସରରେ ମାଗଣା ଶାଢୀ ଓ ଧୋତି ବଣ୍ଟନ କରୁଥିଲେ । ଏହି ସମୟରେ ମାତ୍ରାଧିକ ଭିଡ ଯୋଗୁ ଦଳାଚକଟା ହୋଇଥିଲା । ଏଥିରେ ଘଟଣାସ୍ଥଳରେ 4ଜଣ ମହିଳାଙ୍କ ମୃତ୍ୟୁ ହେବା ସହ ପ୍ରାୟ 10ରୁ ଅଧିକ ମହିଳା ଆହତ ହୋଇଥିବା ସୂଚନା ମିଳିଛି । ଆହତଙ୍କୁ ଉଦ୍ଧାର କରାଯାଇ ହସ୍ପିଟାଲ ପଠାଯାଇଛି । ଅଘଟଣ ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଛି ।
ସୂଚନା ଅନୁସାରେ, କାର୍ଯ୍ୟକ୍ରମରେ ପ୍ରାୟ 5ଶହରୁ ଅଧିକ ମହିଳା ସାମିଲ ହୋଇଥିଲେ । ଶାଢୀ ଓ ଧୋତି ବଣ୍ଟନ ବେଳେ ମାତ୍ରାଧିକ ଭିଡ ହୋଇଥିଲା । ଘଟଣାସ୍ଥଳରେ ଦଳାଚକଟାରେ 4 ଜଣ ମହିଳାଙ୍କ ପ୍ରାଣ ହରାଇଥିଲେ । ମୃତକଙ୍କ ମଧ୍ୟରେ କିଛି ବୟସ୍କା ମହିଳା ମଧ୍ୟ ରହିଥିବା ପ୍ରାଥମିକ ଭାବେ ସୂଚନା ମିଳିଛି । ସେହିପରି ଅନ୍ୟ ପ୍ରାୟ 10ରୁ ଅଧିକ ଆହତ ମହିଳାଙ୍କୁ ଉଦ୍ଧାର କରି ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ଚିକିତ୍ସା ଜାରି ରହିଥିଲେ ସୁଦ୍ଧା ସେମାନଙ୍କ ସ୍ବାସ୍ଥ୍ୟାବସ୍ଥା ସମ୍ପର୍କରେ କୌଣସି ସ୍ପଷ୍ଟ ସୂଚନା ମିଳିନି । ଅଘଟଣ ପରେ କାର୍ଯ୍ୟକ୍ରମସ୍ଥଳରେ ଉତ୍ତେଜନା ପ୍ରକାଶ ପାଇଛି । କାର୍ଯ୍ୟକ୍ରମର ଆୟୋଜନ ନେଇ ମଧ୍ୟ ପ୍ରଶ୍ନ ମଧ୍ୟ ଉଠିଛି । ସ୍ଥାନୀୟ ତହସିଲଦାର ଓ ପୋଲିସ ଘଟଣାସ୍ଥଳରେ ପହଞ୍ଚିଛନ୍ତି । ସମସ୍ତ 4 ମହିଳାଙ୍କ ମୃତଦେହ ଉଦ୍ଧାର ହୋଇ ବ୍ୟବଚ୍ଛେଦ ପାଇଁ ପଠାଯାଇଛି ।
