ଲକ୍ଷ୍ନୌ: ଉତ୍ତର ପ୍ରଦେଶର ବାହରାଇଚରେ ଏକ ବଡ ଅଘଟଣ ଘଟିଛି । ବିଦ୍ୟୁତ ତାର ସଂସ୍ପର୍ଶରେ ଆସିବା ଫଳରେ ୭ଜଣଙ୍କ ମୃତ୍ୟୁ ହୋଇଛି (Seven die due to electrocution in up)। ମୃତକଙ୍କ ମଧ୍ୟରେ ୩ ଜଣ ଶିଶୁ ମଧ୍ୟ ଥିବା ସୂଚନା ମିଳିଛି । ବାହରାଇଚ ଜିଲ୍ଲାର କୋଟୱାଲୀ ନାନପାରା ଅଞ୍ଚଳର ମାସୁପୁର ଗ୍ରାମରେ ଏହି ଅଘଟଣ ଘଟିଥିବା ସୂଚନା ମିଳିଛି ।
ସ୍ଥାନୀୟ ପୋଲିସ ଦେଇଥିବା ସୂଚନା ଅନୁସାରେ, ମାସୁପୁର ଗ୍ରାମରେ ଏକ ଧାର୍ମିକ ଶୋଭାଯାତ୍ରାରେ ଚାଲିଥିବା ବେଳେ ଏହି ଅଘଟଣ ଘଟିଛି । କାର୍ଯ୍ୟକ୍ରମରେ ଚାଲିଥିବା ବେଳେ କିଛି ବ୍ୟକ୍ତି ଏକ ବିଦ୍ୟୁତ ତାର ସଂସ୍ପର୍ଶରେ ଆସିବାରୁ ଘଟଣାସ୍ଥଳରେ ୩ ଶିଶୁଙ୍କ ସମେତ ମୋଟ ୭ ଜଣ ପ୍ରାଣ ହରାଇବା ସହ ଜଣେ ଆହତଙ୍କୁ ଗ୍ରାମବାସୀ ଉଦ୍ଧାର କରିବାରେ ସଫଳ ହୋଇଥିଲେ ।
ଆହତ ବ୍ୟକ୍ତିଙ୍କ ଅବସ୍ଥା ଏବେ ଗୁରୁତର ରହିଛି । ନିକଟସ୍ଥ ହସ୍ପିଟାଲରେ ତାଙ୍କର ଚିକିତ୍ସା ଜାରି ରହିଛି । ଅଘଟଣ କାରଣ ସମ୍ପର୍କରେ ସଠିକ ଭାବେ ସ୍ପଷ୍ଟ ହୋଇ ପାରିନାହିଁ । ସ୍ଥାନୀୟ ପ୍ରଶାସନର ଟିମ ଗ୍ରାମରେ ପହଞ୍ଚି ତଦନ୍ତ ଆରମ୍ଭ କରିଛି । ଧାର୍ମିକ କାର୍ଯ୍ୟକ୍ରମ ବେଳେ ଏପରି ଅଘଟଣ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳାଇ ଦେଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
